চাওমিন খাই ভালপাই নেকি? নাখাব! শৰীৰৰ বাবে অত্যন্ত ক্ষতিকাৰক চাওমিন, জানি লওক...

পুৱাই হওক বা দুপৰীয়া বা সন্ধিয়াই হওক, বিভিন্ন সময়ত মানুহৰ প্ৰিয় নুডুলছ। কিন্তু বিশেষজ্ঞই কৈছে- যেতিয়াই তেতিয়াই নুডুলছ খোৱাটো শৰীৰৰ বাবে একেবাৰেই বেয়া। কাৰণ?

নুডুলছ বা চাওমিন প্ৰক্ৰিয়াজাত খাদ্য !  ওজন বৃদ্ধিৰ অন্যতম কাৰণ। ফাইবাৰ আৰু প্ৰটিন কম থকা নুডুলছক ‘কমপ্লিট মিল’ বুলিব নোৱাৰি।

গৱেষণাত দেখা গৈছে যে, সপ্তাহত দুবাৰ বা তাতকৈ বেছি নুডুলছ খালে মেটাবোলিজমৰ  পৰিমাণ কমি যায়।

চাওমিনৰ মূল উপাদান ময়দা স্বাস্থ্যৰ পক্ষে অত্যন্ত ক্ষতিকাৰক। ময়দাত উচ্চ মাত্ৰাৰ প্ৰক্ৰিয়াজাত থাকে। থাকে প্ৰচূৰ পৰিমাণে প্ৰিজাৰভেটিভ। খাবলৈ সুস্বাদু হ’লেও পুষ্টিহীন। ওজন বঢ়ালেও হজম ক্ষমতা কমায়।

নুডুলছত থাকে ফেটি এচিড বা ট্ৰান্স ফেট। চেনী, বিভিন্ন ৰসায়নিক দ্ৰব্য, চেনীৰ চিৰাপ, কিটনাশক, গোন্ধবৰ্ধনকাৰী উপাদানৰ ব্যৱহাৰ কৰা হয়। যি স্বাস্থ্যৰ বাবে ক্ষতিকাৰক।  লগতে থাকে MSG। ইয়াক সোৱাদ বৃদ্ধিৰ বাবে ব্যৱহাৰ কৰা হয়। এম এছ জি খালে ওজন বাঢ়ে. ৰক্তচাপ বৃদ্ধি পায়, মূৰৰ বিষ আৰু নাকৰ বিভিন্ন সমস্যাই দেখা দিব পাৰে।

নুডুলছত থকা ছোডিয়াম স্বাস্থ্যৰ বাবে ক্ষতিকাৰক। উচ্চ ৰক্তচাপ আৰু কাৰ্ডিঅ’ভাস্ক’লাৰ ৰোগত আশংকা বঢ়ায়।

সৰু ল’ৰা-ছোৱালীয়ে বেছিকৈ চাওমিন খালে শৰীৰৰ পুষ্টিগ্ৰহণৰ ক্ষমতা হ্ৰাস পায়।