প্ৰেম আৰু চকলেটৰ কি যে ওতঃপ্ৰোত সম্পৰ্ক! বহু নষ্টালজিয়া জৰিত হৈ থাকে চকলেটৰ সেই সোণালী–ৰূপালী কাগজখনত। হাতত ভাললগা চকলেট লৈ বহুতেই তন্ময় হৈ পৰিব খোজে ভাললগাৰ আচ্ছাদনত। কি শিশু, কি তৰুণী, কি বয়োবৃদ্ধ, চকলেটৰ প্ৰেমত নপৰা কোন আছে? চকলেট খাদ্যৰ লগতে আৱেগো।
বেছি চকলেট খোৱা বেয়া, দাঁত বেয়া হৈ যাব। এই ভুল তথ্য পাহৰি যাওক। বৰঞ্চ চিকিৎসকসকলে কৈছে, চকলেট খালে দাঁত ভালে থাকে। দাঁতৰ গুৰি শক্তিশালী ৰখাৰ ক্ষেত্ৰত চকলেটৰ ভূমিকা সৱল। তথাপি চকলেট খাই দাঁত মজা উচিত।
ব্লাড প্রেচাৰ ? দৈনিক খাওক ডার্ক চকলেট ৷ নিয়মিত ডার্ক চকেলেট খালে ব্লাড প্রেচাৰ নিয়ন্ত্ৰণত থাকে। নতুন গৱেষণাত ওলাইছে এনে তথ্য।
চকলেট খালে বাঢ়িব স্মৃতি শক্তিও ৷ গবেষণাত ওলাইছে এনেধৰণৰ তথ্য। স্মৃতিশক্তি আৰু সৃজনীশীলতা বঢ়ায় চকলেটে।
ত্বকৰ উজ্জ্বলতা বঢ়োৱাৰ ক্ষেত্ৰত চকলেট যথেষ্ট উপকাৰী ৷ চকলেট গলাই ঠাণ্ডা কৰি ফেচ পেক হিচাপে ব্যৱহাৰ কৰক। ৰ’দে পোৰা দাগ তোলাৰ ক্ষেত্ৰত ভাল কাম কৰে।
