হাতত ৰাখক এই চাৰিবিধ আয়ুৰ্বেদিক উপাদান, চুলিৰ যিকোনো সমস্যাত কাম কৰিব মেজিকৰ দৰে!
চুলিৰ জঁট, পাতল হৈ যোৱা আৰু চুলি সৰা। চুলিৰ এনেধৰণৰ সমস্যাত বহুতেই ভোগে। প্ৰদূষণ, চেম্পুত ৰাসায়নিক আৰু প্ৰদূষিত পানীৰ বাবেই চুলিৰ সমস্যাই দেখা দিয়ে।
চুলিৰ জঁট, পাতল হৈ যোৱা আৰু চুলি সৰা। চুলিৰ এনেধৰণৰ সমস্যাত বহুতেই ভোগে। প্ৰদূষণ, চেম্পুত ৰাসায়নিক আৰু প্ৰদূষিত পানীৰ বাবেই চুলিৰ সমস্যাই দেখা দিয়ে। বিভিন্ন ধৰণৰ নামী–দামী পণ্য ব্যৱহাৰ কৰিলেও একো লাভ নহয়। কিন্তু আয়ুৰ্বেদৰ প্ৰতিকাৰ আচে। এইবোৰ ব্যৱহাৰ কৰিলে চুলি সৰা বন্ধ হয় লগতে চুলি ঘন আৰু ক’লা হৈ পৰে।
মণিছাল : যিসকলৰ চুলি পাতল হৈছে তেওঁলোকৰ বাবে এয়া এক আদৰ্শ উপাদান। এয়া সম্পূৰ্ণ প্ৰাকৃতিক। চুলিৰ যত্নত ইয়াৰ ব্যৱহাৰো অতি প্ৰাচীন। মণিছালৰ চেম্পু প্ৰস্তুত কৰিবলৈ লাগিব তিনিটা উপাদান। আমলা, মণিছাল আৰু আমশিকিৰা। এই আটাইকেইটা সমান অনুপাতত লওক। ইয়াৰ পিছত তিনিওটা উপাদান পানীত উতলাই লওক। তাৰ পিছত তেলৰ দৰে সেয়া চুলিত লগাব লাগে। ই চুলি মজবুত কৰে আৰু মূৰৰ ছালত পুষ্টি যোগায়।
ত্ৰিফলা : ত্ৰিফলাৰ ব্যাপক ব্যৱহাৰ আচে আয়ুৰ্বেদত। ঔষধী গুণৰ বাবে ইয়াৰ আদৰ আচে। ক্ষতিগ্ৰস্ত চুলি মেৰামতি কৰাৰ লগতে চুলিৰ বৃদ্ধিতো ই ভূমিকা গ্ৰহণ কৰে। ত্ৰিফলা চূৰ্ণৰ আটাইতকৈ প্ৰয়োজনীয় উপাদান হ’ল শিলিখা আৰু আমলখি। শিলিখাৰ এণ্টিবেক্টেৰিয়েল আৰু এণ্টিফাংগাল ক্ষমতা আছে যিয়ে মূৰৰ ছালক সুৰক্ষা প্ৰদান কৰে। নাৰিকল তেলৰ সৈতে ত্ৰিফলা চূৰ্ণ মিহলি কৰি চুলিত লগাব পৰি। তুলিৰ যিকোনো সমস্যাত এই উপাদান ব্যৱহাৰৰ পৰামৰ্শ দিয়ে বিশেষজ্ঞসকলে। কিন্তু এটা কথা মন কৰিব লাগিব যে খাদ্যৰ ওপৰতো চুলিৰ স্বাস্থ্য নিৰ্ভৰ কৰে। লিভাৰৰ সমস্যা থাকিলে বা দুৰ্বল হজমশক্তিৰ বাবেও চুলি সৰা, পাতল চুলিৰ সমস্যা হ’ব পাৰে। ত্ৰিফলাই হজম প্ৰক্ৰিয়াৰ সমস্যা সমাধান কৰে।
ব্ৰাহ্মী : এয়া এক প্ৰকাৰৰ শাক। সাধাৰণতে স্মৃতিশক্তি বৃদ্ধিত এই খাবলৈ পৰামৰ্শ দিয়া হয়। কিন্তু চুলিৰ যত্নতো ই অতি উপকাৰী। আয়ুৰ্বেদত ইয়াক ‘অলৌকিক ভেষজ’ আখ্যা দিয়া হয়। শুকান আৰু ক্ষতিগ্ৰস্ত মূৰৰ ছালৰ চিকিৎসা কৰি চুলি সৰা ৰোধ কৰাত সহায় কৰে। তাৰ উপৰি ব্ৰাহ্মী চুলিৰ বিভিন্ন সমস্যা দূৰ কৰিবলৈও ব্যৱহাৰ কৰা হয়।
