আকৌ বাঢ়িল DA ! একাংশ চৰকাৰী কৰ্মচাৰীৰ মৰগীয়া বানচ ১২ শতাংশ পৰ্যন্ত বৃদ্ধি

নতুন দিল্লীঃ কেন্দ্ৰৰ মোদী চৰকাৰে (Modi Government) একাংশ চৰকাৰী কৰ্মচাৰীক আকৌ এবাৰ দিপাৱলীৰ উপহাৰ (Diwali Gift) প্ৰদান কৰিছে। দৰাচলতে কেন্দ্ৰ চৰকাৰৰ ষষ্ঠ দৰমহা আয়োগৰ (6th pay commission) পৰামৰ্শৰ ভিত্তিত আৰু কেন্দ্ৰীয় স্বায়ত্ব নিকায়ৰ পঞ্চম দৰমহা আয়োগৰ (5th pay commission) পৰামৰ্শৰ ভিত্তিত দৰমহা পোৱা কৰ্মচাৰীসকলৰ মৰগীয়া বানচ (DA Hike) বঢ়োৱা হৈছে।

কাৰ কিমান বাঢ়িল মৰগীয়া বানচ?<br />বিত্ত মন্ত্ৰালয়ৰ (Finance Ministry) মতে, ষষ্ঠ দৰমহা আয়োগৰ পৰামৰ্শ মতে দৰমহা পোৱা কেন্দ্ৰ চৰকাৰৰ কৰ্মচাৰীসকলৰ (Central Govt Employees) মৰগীয়া ভাট্টা ৭শতাংশ বঢ়োৱা হৈছে।

আনহাতে পঞ্চম দৰমহা আয়োগৰ পৰামৰ্শ মতে দৰমহা পাই থকা কেন্দ্ৰীয় স্বায়ত্বশাসিত নিকায়ৰ কৰ্মচাৰীসকলৰ (CAB Employees) মৰগীয়া ভাট্টা ১২ শতাংশ বঢ়োৱা হৈছে।

বিত্ত মন্ত্ৰালয়ৰ তৰফৰ পৰা জাৰি কৰা মেম’ৰেণ্ডাম অনুসৰি এই বৃদ্ধি ১৫ জুলাই ২০২১ৰ পৰা বলৱৎ কৰা হ’ব। ষষ্ঠ দৰমহা আয়োগৰ পৰামৰ্শ মতে দৰমহা পোৱা কেন্দ্ৰ চৰকাৰ আৰু কেন্দ্ৰীয় স্বায়ত্বশাসিত নিকায়সমূহৰ মৰগীয়া ভাট্টা বেচিক চেলাৰীৰ (Basic Salary) ১৮৯ শতাংশৰ পৰা ১৯৬ শতাংশ কৰা হৈছে।

পঞ্চম দৰমহা আয়োগৰ পৰামৰ্শ মতে দৰমহা পোৱা কৰ্মচাৰীসকলৰ ডি এ এতিয়াৰ ৩৫৬ শতাংশৰ পৰা বঢ়াই ৩৬৮ শতাংশ কৰা হৈছে। কেন্দ্ৰৰ মেম’ৰেণ্ডাম মতে কেন্দ্ৰ চৰকাৰ আৰু কেন্দ্ৰীয় স্বায়ত্ব নিকায়ৰ ফ্ৰি ৰিভাইজড বেতন পোৱা কৰ্মচাৰীসকলৰ ডিএ বৃদ্ধি কৰা হৈছে।