Gold-Silver Price: সপ্তাহৰ প্ৰথম দিনটোতে সস্তা হ’ল সোণ, ৫,৫২১ টকালৈকে হ্ৰাস পালে সোণৰ দাম!

সোমবাৰে সোণ আৰু ৰূপৰ মূল্য কিছু সস্তা হোৱা দেখা গৈছে। ডিচেম্বৰত ডেলিভাৰী হ’বলগীয়া সোণৰ মূল্য ০.৩ শতাংশ হ্ৰাস পাই ৫০,৬৭৯ টকা প্ৰতি ১০ গ্ৰামত গৈছেগৈ।  য’ত ১.১২ শতাংশ হ্ৰাস পাই প্ৰতি কেজি ৰূপৰ মূল্য হ’লগৈ ৬১,৭৪৯ টকা। আগষ্ট মাহত প্ৰতি দহ গ্ৰাম সোণৰ মূল্যত ৫৬,২০০ টকা হৈছিল। কিন্তু তাৰ পিছৰ পৰাই পৰ্যায়ক্ৰমে হ্ৰাস পাইছে সোণৰ মূল্য। 

দিল্লীৰ বজাৰত শুকুৰবাৰে সোণ সস্তা হোৱা দেখিবলৈ পোৱা গৈছিল। কিন্তু বাঢ়িছিল ৰূপৰ মূল্য। শুকুৰবাৰে প্ৰতি ১০ গ্ৰাম সোণত ৭৫ টকা হ্ৰাস পাই ৫১,০৬৯ টকা হৈছিল।  কিন্তু ১২১ টকা বৃদ্ধি পাই প্ৰতি কেজি ৰূপৰ মূল্যত হৈছিলগৈ ৬২,৯৩৩ টকা। 

আজি বিদেশৰ বজাৰতো সোণৰ মূল্য হ্ৰাস পোৱা পৰিলক্ষিচ হৈছে। যাৰ প্ৰভাৱ এতিয়া ভাৰতৰ বজাৰতো পৰিছে।

জানিব পৰা মতে, আমেৰিকাত ৩ নৱেম্বৰত হ’বলগীয়া নিৰ্বাচন আৰু কোৰোণাৰ ফলত হোৱা আৰ্থিক লোকচানৰ পৰা সকাহ পাবলৈ ঘোষণা কৰিবলগীয়া আৰ্থিক পেকেজে সোণ- আৰু ৰূপৰ মূল্যত বিশেষ প্ৰভাৱ পেলোৱাৰ সম্ভাৱনা আছে। 

ইফালে বিশেষজ্ঞৰ মতে, অহা ডিচেম্বৰ মাহৰ পৰা সোণ আৰু ৰূপৰ মূল্যত কিছু পৰিৱৰ্তন হোৱাৰ সম্ভাৱনী আছে।