Gold Price: দীপাৱলীত ৫০ হাজাৰ হৈ যাব সোণৰ দাম! দেৰি নকৰি এতিয়াই ক্ৰয় কৰি ৰাখক সোণ!

উৎসৱৰ বতৰত উৰ্ধ্বমুখী সোণৰ দাম। সপ্তাহৰ দ্বিতীয় দিন ২৬ অক্টোবৰত ১০ গ্ৰাম সোণত মাত্ৰ ৫ টকা কমিছিল। মঙলবাৰে দিল্লীৰ চৰাফা বজাৰত সোণৰ দাম প্ৰতি ১০ গ্ৰামত ৪৭,১৫৩ টকা হৈছিল। ৰূপৰ দাম ২৮৭ টকা হ্ৰাস পাই প্ৰতি কিলোত ৬৪,৪৫৩ টকা হৈছিল। দামৰ এই সামান্য উঠা-নমাৰ মাজতে বিশেষজ্ঞই জনাইছে যে, এতিয়ৈ সোণত ইনভেষ্ট কৰিলে মাত্ৰ এসপ্তাহত বিপুল লাভ হোৱাৰ সম্ভাৱনা আছে।

সোণৰ দাম ৫০ হাজাৰ টকা হ'বলৈ গৈ আছে? সোণত বিনিয়োগ কৰাৰ এয়াই সঠিক সময় নেকি? বিশেষজ্ঞৰ মতে, কিছুদিনৰ পৰা সোণৰ দাম একেৰাহে বৃদ্ধি হৈ আছে। সোণৰ চাহিদা এনেদৰে থাকিলে দীপাৱলী পৰ্যন্ত সোণৰ দাম ৫০ হাজাৰ টকা হোৱাৰ সম্ভাৱনা আছে। বৰ্তমান সোণৰ যি দাম, সেই দামত ক্ৰয় কৰিলে ১০ গ্ৰামত ২৫০০ টকাৰ বেছি লাভ হ'ব পাৰে।

কিয় ঊর্ধ্বমুখী  হৈছেসোনাৰ দাম ?
বৰ্তমান ডলাৰৰ মূল্য হ্ৰাস পোৱাত সোণৰ দাম বৃদ্ধি পাবলৈ ধৰিছে। লগতে উৎসৱৰ বতৰত বাঢ়িছে চাহিদা। কোৰোণা মহামাৰীৰ পিছত দেশত এতিয়া সোণৰ আমদানি বাঢ়িছে। মাৰ্কিন ট্ৰেজাৰি বণ্ডৰ ইল্ড বাঢ়ি থকাৰ ফলত লগতে অপৰিশোধিত তেলৰ উৰ্ধ্বমুখী দামৰ প্ৰভাৱ পৰিছে সোণৰ দামৰ ওপৰত।

সূত্ৰৰ খবৰ অনুসৰি, শীঘ্ৰেই আন্তৰ্জাতিক বজাৰত সোণৰ দাম ৩০০০ ডলাৰ প্ৰতি আউন্স হোৱাৰ সম্ভাৱনা আছে। বৰ্তমান সোণৰ দাম ১৮০০ ডলাৰ প্ৰতি আউন্স হৈ আছে।