<strong> ৩ দিনত ২০০০টকালৈকে সস্তা হ’ল দাম-</strong> যোৱা দুটা দিনত ভাৰতত সোণ আৰু ৰূপৰ দাম যথেষ্ট পৰিমাণে হ্ৰাস পাইছে। বুধবাৰে একেৰাহে তৃতীয়টো ব্যৱসায়িক দিনত সোণ আৰু ৰূপৰ মূল্য হ্ৰাস হোৱা দেখা গ’ল। MCXত সোণৰ প্ৰস্তাৱিত মূল্য ০.২১ শতাংশ হ্ৰাস পাই প্ৰতি দহ গ্ৰামত ৪৮,৪৮৫টকা হ’ল। আনহাতে ৰূপৰ প্ৰস্তাৱিত মূল্য ০.১৬শতাংশ হ্ৰাস পাই প্ৰতি কিলোগ্ৰামত ৫৯,৪৬০ টকা হয়। যোৱা চেছনত সোণৰ প্ৰস্তাৱিত মূল্য ৯০০টকা কমিছিল আনহাতে ৰূপৰ সেই দাম কমিছিল ১৬০০টকা প্ৰতি কিলোগ্ৰামত।
<strong> অধিক কমিব পাৰে সোণৰ দাম-</strong> ব্ৰকৰেজ ফাৰ্ম এঞ্জেল ব্ৰ’কিঙৰ ডেপুটি ভাইচ প্ৰেচিডেণ্ট (কম’ডিটি তথা কাৰেন্সী)ৰ অনুজ গুপ্তাৰ মতে এই মাহত গ’ল্ড ইটিএফৰ হল্ডিঙত ১০লাখ আউন্স হ্ৰাস দেখা গৈছে। ইয়াৰ পৰা প্ৰতীয়মান হয় যে বিনিয়োগকৰ্তাই লাহেই সোণৰ পৰা হল্ডিং আঁতৰাইছে অৰ্থাৎ আগন্তুক সময়ত সোণ আৰু সস্তা হ’ব।
<strong> জানক কিয় কমিছে সোণ আৰু ৰূপৰ দাম-</strong> এইচডিএফচি চিকিউৰিটীৰ কম’ডিটি এনালিষ্ট তপন পেটেলৰ(HDFC Securities Senior, Analyst (Commodities) Tapan Patel), মতিলাল ঔচৱালৰ ভাইচ প্ৰেচিডেণ্ট নৱনীত দামানিৰ মতে সোণৰ দাম যথেষ্ট কমিছে কাৰণ কোৰোণাৰ ভেকচিনক লৈ যথেষ্ট খবৰ ওলাই আছে। ভেকচিন ওলোৱাৰ পিছত বিশ্বত আৰ্থিক ৰিক’ভাৰি তীব্ৰতৰ হ’ব গতিকে সোণত চেফ ইনভেষ্টমেণ্ট চিন্তা আঁতৰিব।
<strong>যোৱা চাৰি মাহত সৰ্বনিম্ন স্তৰত-</strong>ইফালে আন্তঃৰাষ্ট্ৰীয় বজাৰত সোণৰ হাৰ সামান্যভাৱে বাঢ়িছে অৱশ্যে সোণৰ ক্ষেত্ৰত বিগত চাৰি মাহত সৰ্বনিম্ন দাম দেখা গৈছে। আন্তঃৰাষ্ট্ৰীয় বজাৰত সোণৰ মূল্য ০.১শতাংশ বাঢ়ি প্ৰতি আউন্সত ১৮০৯.৪১ডলাৰত ব্যৱসায় চলি আছিল। দুৰ্বল ডলাৰৰ কাৰণে সোণে সমৰ্থন পাইছে। সোণৰ ব্যৱসায়ীসকলে আমেৰিকাৰ কেন্দ্ৰীয় বেংক ফেডাৰেল ৰিজাৰ্ভ বেংকৰ বৈঠকৰ মিনিটছৰ অপেক্ষা আছে। আজি নিশালৈ এই তথ্য প্ৰকাশ পাব।
