আজি আকৌ দাম বাঢ়িল সোণৰ! চাওক কিমান হ’ল...

বুধবাৰ ধৰি একেৰাহে দুদিনে বাঢ়িয়ে আছে সোণ তথা ৰূপৰ মূল্য। মাল্টি কম’ডিটি এক্সচেঞ্জত (MCX) আজি পুৱা প্ৰায় দহ বজাত সোণৰ দহ গ্ৰামত প্ৰায় ১০৭ টকা বাঢ়ি ৪৯৫৫০ টকাত ব্যৱসায় কৰিছে ৷ ৰূপৰ দাম ৩২৪ টকা বাঢ়ি প্রতি কিলোগ্রামত ৬৫১৭৭ টকা হয়গৈ ৷ মঙলবাৰে সোণৰ দাম প্ৰতি ১০ গ্রামত ৪৯৪৪৩ টকাত বন্ধ হয় ৷ আজি বজাৰ খোলে ৪৯৫৬৬ টকাত ৷

আজি দিল্লীৰ সোণ–ৰূপৰ বজাৰত সোণ তথা ৰূপৰ উৰ্ধমুখী দাম দেখা যায়। টকাৰ মূল্য হ্ৰাস পোৱাৰ ফলত সোণৰ দাম ৫১৪টকা বাঢ়ি প্রতি ১০ গ্রামত ৪৮৮৪৭ টকা হয়গৈ। এইচডিএফচি চিকিউৰিটিজৰ তৰফৰ পৰা জনোৱা হয় যে,, ৰূপৰ দাম ১০৪৬ টকা বাঢ়ি ৬৩৬১২ টকা প্রতি কিলোগ্রামত হৈছে।

এইবছৰ সোণ উচ্চতম স্তৰত পাইছিলগৈ (৫৭১০০ টকা প্ৰতি দহ গ্ৰামত) ৷ সেই হিচাপত ৭০০০ টকা সস্তা হৈছে সোণ ৷

অহা এক মাহত সোণৰ দামৰ ওপৰত প্ৰভাৱ পৰাৰ সম্ভাৱনা আছে। কাৰণ ১৪ ডিচেম্বৰৰ পৰা ১৪জানুৱাৰী পৰ্যন্ত বিয়া বা অন্যান্য শুভ কাম নহয়। গতিকে এই মাহটোত সোণৰ চাহিদা কম হ’ব আৰু দামৰ ওপৰতো প্ৰভাৱ পৰিব।