গৰম ভাতত একণমান ঘিউৰ কিযে সোৱাদ সেয়া খোৱাজনেহে বুজে। পৰঠা বা ৰুটিত লগাই হওক বা তৰকাৰীৰ সৈতেই হওক, ঘিউ কেৱল সোৱাদেই বৃদ্ধি নকৰে, ইয়াৰ উপকাৰিতাও বহুত। সেয়ে যুগ যুগ ধৰি ভাৰতত ঘিউ খোৱাৰ প্ৰচলন চলি আহিছে। (ফটো : সংগৃহীত)
লাহে লাহে বিদেশৰ মানুহেও ঘিউৰ গুৰুত্ব বুজি উঠিছে। প্ৰতিদিনে খোৱাৰ সৈতে অলপ ঘিউ থাকিলে সুস্থ–কবল হৈ থাকে স্বাস্থ্য। (সংগৃহীত ফটো)
ৰোগ প্ৰতিৰোধ ক্ষমতা গঢ়ি তোলে ঘিউ–এ। যিহেতু ঘিউ প্ৰয়োজনীয় ফেট–দ্ৰৱণীয় ভিটামিন ডি, কে, ই আৰু এৰ দ্বাৰা সমৃদ্ধ, সেয়ে এই উপাদানসমূহৰ প্ৰতিৰোধ ক্ষমতাসহ আমাৰ দেহৰ নানা কাৰ্য সম্পাদন কৰে। ঘিউ –এ আমাৰ শৰীৰক আন খাদ্যৰ পৰা চৰ্বিযুক্ত দ্ৰৱণীয় আৰু ভিটামিন শোষণত সহায় কৰে আৰু আমাৰ ৰোগ প্ৰতিৰোধ ক্ষমতাক আৰু অধিক শক্তিশালী কৰি তোলে। (ফটো : সংগৃহীত)
ঘিউ –এ হজম শক্তি বৃদ্ধি কৰে। অন্ত্ৰৰ প্ৰাচীৰসমূহ শক্তিশালী কৰাৰ বাবে অতি উত্তম। অন্ত্ৰৰ ব্যাধি যেনে ক্ৰোনজ ডিজিজত কাম দিয়ে। (ফটো : সংগৃহীত।
ঘিউ –এ স্মৃতিশক্তি বৃদ্ধি কৰে। ঘিউৰ স্বাস্থ্যকৰ ছ্যাচুৰেটেড ফেটসমূহে চিন্তাশক্তি বৃদ্ধি কৰে। ই কোষ আৰু টিছ্যুক ক্ষতিৰ পৰা বচায়। খালী পেটত পুৱা ঘিউ খোৱাৰ ফলত কোষৰ পুনৰুজ্জীৱনৰ প্ৰক্ৰিয়া উন্নত হয় যিটো আমাৰ দেহৰ নিৰাময় প্ৰক্ৰিয়াটোক বৃদ্ধি কৰে। (ফটো : সংগৃহীত)
ঘিউ –এ ছাল উজ্জ্বল আৰু সুন্দৰ কৰি ৰাখে। ঘিউৰ এণ্টিঅক্সিডেণ্ট সমৃদ্ধ, এণ্টি–ইনফ্লেমেটৰী উপাদানে ছাল ভালে ৰাখে। শৰীৰৰ পৰা বিষাক্ত পদাৰ্থ বাহিৰ কৰি দিয়ে। ই প্ৰাকৃতিক মইশ্চাৰাইজাৰ হিচাপে কাম কৰে যিয়ে ছাল আৰু চুলিৰ উজ্জ্বলতা আনে। (ফটো : সংগৃহীত)
ঘিউ খালে দেহত শক্তি যোগায় আৰু ওজন কমায়। ঘিউত থকা ফ্যাটি এচিডে ইয়াক আয়ুৰ্বেদিক ছুপাৰফুডলৈ পৰিণত কৰে যিয়ে এক সমৃদ্ধ শক্তিৰ উৎস হিচাপে বিবেচিত হয়। ইয়াৰ উপৰি ঘিউত আছে স্বাস্থ্যকৰ ওমেগা ফ্যেটি এচিড যিয়ে ওজন কমোৱাত সহায় কৰে। (ফাইল ফটো)
