ডিজিটেল পেইমেণ্টৰ পৰা কেচ আৰু লোন লৈকে, RBI-এ লৈছে ৫টা ডাঙৰ সিদ্ধান্ত

কোৰোণা মহামাৰীৰ ফলত দেশত যি পৰিস্থিতিৰ সৃষ্টি হৈছে, সেই কথা মনত ৰাখি গ্ৰাহকৰ বাবে বহুকেইটা নিয়ম সলনি কৰিছে ভাৰতীয় ৰিজাৰ্ভ বেংকে। চেক পেইমেণ্ট, অনলাইন পেইমেণ্টৰ পৰা গোল্ড লোন সহ বহুকেইটা নিয়ম সলনি কৰিছে ৰিজাৰ্ভ বেংক অৱ ইণ্ডিয়াই।  গোল্ড জ্যুৱেলাৰীৰ ওপৰত লোন ভেল্যু বঢ়াইছে  RBI-এ।  এতিয়াৰ পৰা সোনৰ ওপৰত ৯০ শতাংশ পৰ্যন্ত ঋণ ল’ব পাৰিব গ্ৰাহকে। য’ত আগতে ৭৫ শতাংশ লোন ল’ব পাৰিছিল।  এতিয়াৰ পৰা বেংক বা অন্যান্য বেংকিং ফাইনেন্সিয়েল সংস্থাত গোল্ড লোনৰ বাবে আবেদন কৰিলে, প্ৰথমে আপোনাৰ সোনৰ গুণমান পৰীক্ষা কৰা হ’ব। সোণৰ গুণমানৰ ওপৰত নিৰ্ভৰ কৰি আপোনাৰ লোন নিৰ্ধাৰণ কৰিব।

<strong>চেক পেইমেণ্ট চিষ্টেম</strong>- আি বি আইয়ে চেক পেইমেণ্ট সুৰক্ষিত কৰাৰ উদ্দেশ্যে পজিটিভ পে চিষ্টেম আৰম্ভ কৰিছে। ৫০ হাজাৰ টকাতকৈ বেছি চেকৰ ক্ষেত্ৰত এই নতুন চিষ্টেম প্ৰযোজ্য হ’ব।  চেক জাৰি কৰাৰ সময়ত গ্ৰাহকে চেক নম্বৰ, কিমান টকাৰ চেক, চেকৰ ফটো সহ বহু কেইটা তথ্য বেংকক জনাব লাগিব।

<strong>অফলাইন ৰিটেল পেইমেণ্ট-</strong> এতিয়াৰ পৰা কাৰ্ড বা মোবাইল ডিভাইচত ইণ্টাৰনেট নোহোৱাকৈও ডিডিটেল পেইমেণ্ট কৰিব পাৰিব। বৃহস্পতিবাৰে ডিজিটেল পেইমেণ্ট বৃদ্ধি কৰাৰ বাবে অফলাইন ৰিটেল পেইমেণ্টৰ এটা পাইলট প্ৰজেক্টক অনুমতি দিয়াৰ কথা ঘোষণা কৰে।  এই প্ৰজেক্ট অনুসৰি, ইণ্টাৰনেট কানেকশ্যন নাথাকিলেও ডেবিট কাৰ্ড, ক্ৰেডিট কাৰ্ড বা মবাইল ডিভাইচৰ মাধ্যমেৰে লেনদেন কৰিব পাৰিব।

<strong>ODR চিষ্টেম- </strong>দেশত যিদৰে ডিজিটেল লেনদেন বাঢ়িছে, ঠিক সেই দৰে বিভিন্ন সমস্যাও বাঢ়িছে। ডিজিটেল লেনদেন ফেইল হ’লে বা অন্যান্য সমস্যাৰ বাবে  Online Dispute Regulation (ODR)  চিষ্টেমে কৰিব সমাধান।

বৃহস্পতিবাৰে ৰিজাৰ্ভ বেংকে ষ্টাৰ্টআপক Priority Sector Lending (PSL)ত চামিল কৰিছে। এতিয়াৰ পৰা ষ্টাৰ্টআপ সমূহে বেংকৰ পৰা সহজে লোন পাব। এই পৰ্যন্ত কৃষি, MSME, শিক্ষা, হাউচিং অন্তৰ্ভুক্ত হৈছে।