Extra Marital Affair: এই পেছাত জড়িত লোকৰ পৰকীয়া প্ৰেমৰ প্ৰৱণতা আটাইতকৈ বেছি! চাঞ্চল্যকৰ তথ্য গৱেষণাত

পৰকীয়া প্ৰেমত সংশয়–কাজিয়া আদি থাকিলেও দেশৰ সমাজত মুঠেই কমা নাই পৰকীয়া প্ৰেমৰ প্ৰৱণতা (Extra Marital Affair)। মানুহৰ জীৱিকাৰ সৈতে কোনো প্ৰত্যক্ষ সম্পৰ্ক নাথাকিলেও কোন পেছাত মানুহ আটাইতকৈ বেছি পৰকীয়া প্ৰেমত লিপ্ত হয় সেয়া জানিবলৈ সম্প্ৰতি এক সমীক্ষা চলাইছিল এটা অনলাইন ডেটিং মাধ্যমে। আৰু তাতেই পোহৰলৈ আহিছে কিছু চাঞ্চল্যকৰ তথ্য। জনপ্ৰিয় সেই ডেটিং প্ৰতিষ্ঠানটোৱে শ্বেয়াৰ কৰিছে কোন পেছাৰ মানুহ সৰ্বাধিক পৰকীয়া প্ৰেমত লিপ্ত হয়, তাৰ আমোদজনক তথ্য।

সেই ডেটিং ৱেবছাইটটোৱে ১২টা পেছাৰ মানুহৰ ওপৰত এটা সমীক্ষা চলাই যি তথ্য পাইছে সেয়া জানিলে চকু কপালত উঠিব আপোনাৰো। সকলোকে আচৰিত কৰি এই সমীক্ষাই কৈছে যে বিভিন্ন পেছাৰ মানুহৰ ভিতৰত পৰকীয়া প্ৰেমৰ প্ৰৱণতাৰ শীৰ্ষত আছে চিকিৎসকসকল।

সমীক্ষাৰ পৰা পোৱা তথ্য অনুসৰি, পৰকীয়া প্ৰেমত লিপ্ত হোৱা নাৰীসকলৰ ২৩ শতাংশই চিকিৎসক বা নাৰ্ছ। কাৰণ হিচাপে সংশ্লিষ্ট পক্ষই জনাইছে, দীঘলীয়া সময় ধৰি কাম কৰা আৰু মানসিক চাপ কমোৱাৰ বাবেই পৰকীয়া প্ৰেমৰ আশ্ৰয় লয় তেওঁলোকে। আনহাতে, পৰকীয়া প্ৰেমত লিপ্ত পুৰুষসকলৰ ভিতৰত ৫ শতাংশ আছিল চিকিৎসক।

ইয়াৰ পিছতে যি পেছাৰ মানুহ সৰ্বাধিক পৰকীয়া প্ৰেমৰ প্ৰতি আগ্ৰহ দেখুৱাইছিল বুলি সমীক্ষাটোৱে জনাইছে, সেয়া হ’ল শিক্ষাক্ষেত্ৰ। পৰকীয়া প্ৰেমত লিপ্ত নাৰীসকলৰ ১২ শতাংশ আৰু পুৰুষসকলৰ ৪ শতাংশই অধ্যাপক নাইবা শিক্ষক বুলি মত প্ৰকাশ সমীক্ষাটোত।

তালিকাৰ তৃতীয় স্থানত আছে উদ্যোক্তা আৰু অৰ্থনীতিবিদসকল। পৰকীয়া প্ৰেমত আগ্ৰহী ৯ শতাংশ নাৰী আৰু ৮ শতাংশ পুৰুষ এই ধৰণৰ পেছাৰ সৈতে জড়িত বুলি কোৱা হৈছে সমীক্ষাটোত।

চতুৰ্থ স্থানত আছে খুচুৰা বিক্ৰেতা, সমাজকৰ্মী, যোগাযোগৰ মাধ্যমৰ কৰ্মী, তথ্য প্ৰযুক্তি ক্ষেত্ৰৰ কৰ্মী, উকিল, বিনোদন জগতৰ মানুহ, কৃষিকৰ্ম আৰু ৰাজনীতিৰ সৈতে জড়িত মানুহ। পুৰুষৰ মাজত সৰ্বাধিক ২৯ শতাংশই কোনোবা নহয় কোনোবা প্ৰকাৰে ব্যৱসায়ৰ সৈতে জড়িত বুলি জনাইছে সমীক্ষাটোৱে।

উল্লেখযোগ্য যে, এই ধৰণৰ সমীক্ষাক কেতিয়াও সমাজৰ আচল ছবি বুলি ভাবি লোৱাটো যুক্তিযুক্ত নহয়। এই ধৰণৰ সমীক্ষাক বিশ্বাসত নোলোৱাটোৱে কাম্য।