কোৰোণাৰ ফলত বিধ্বস্ত দেশৰ অৰ্থনীতি। তাৰ মাজতে ৬ কোটি গ্ৰাহকৰ বাবে ভাল খবৰ আনিলে কৰ্মচাৰী প্ৰভিডেণ্ট ফাণ্ড অৰ্গেনাইজেশ্যনে। ২০১৯-২০ বৰ্ষৰ জমা ধনৰ ওপৰত ৮.৫ শতাংশ সুতৰ হাৰ দিব পাৰে কেন্দ্ৰই। সংস্থাৰ ফালৰ পৰা ঠিক কৰা হৈছিল যে, গ্ৰাহকক দুই ধৰণে সুত দিয়া হ’ব। প্ৰথম ভাগত ৮.১৫ শতাংশ সুত আৰু তাৰ পিছত .৩৫ শতাংশ সুত। এই বক্তব্যৰ পিছতে বিভিন্ন মহলত আলোচনা চলিছিল যে, ২০১৯-২০ বিত্তীয় বৰ্ষত ৮.৫০ শতাংশ সুতৰ হাৰ পোৱা যাব নে নাই, সেই লৈ। খবৰ অনুসৰি, শ্ৰম মন্ত্ৰণালয়ৰ লগতে বিত্ত মন্ত্ৰণালয়লৈ এই সন্দৰ্ভত এখন চিঠি পঠিওৱা হৈছে। সেই চিঠিত প্ৰস্তাৱ দিয়া হৈছে যে, ২০১৯-২০ বৰ্ষৰ ই পি এফত ৮.৫ শতাংশ সুতৰ হাৰ দিয়া যাওক। নিৰ্মলা সীতাৰমণে ইতিবাচক সঁহাৰি দিলে এই সুত এই মাহৰ পৰাই গ্ৰাহকৰ একাউণ্টত সোমাব।
