সুশান্ত সিং ৰাজপুতে পৃথিৱীৰ পৰা বিদায় লোৱাৰ এমাহৰো অধিক সময় হ’ল। ছচিয়েল মিডিয়াত সুশান্তৰ বহু ছবি আৰু ভিডিও ভাইৰেল হৈছে। শেহতীয়াকৈ ভাইৰেল হোৱা কিছু ছবিয়ে অনুৰাগীসকলৰ মন আকৌ এবাৰ গধুৰ কৰিছে।
সুশান্তৰ মৃত্যুত সকলোৱে কান্দি বা কথা মনৰ দুখ প্ৰকাশ কৰিলে কিন্তু সুশান্তৰ জীৱনৰ গুৰুত্বপূৰ্ণ অংশ, সংগী পোহনীয়া কুকুৰ ফাজে অবুজ ভাষাৰেই প্ৰকাশ কৰিলে মালিক গুচি যোৱাৰ দুখ। বিভিন্ন ছবিত ফাজক মন মাৰি থকা সকলোৱে দেখিলে। শেহতীয়াকৈ সুশান্তৰ ভগ্নীয়ে ফাজ আৰু পিতৃৰ এখন ছবি শ্বেয়াৰ কৰিছে।
এই ছবিত ফাজ আৰু সুশান্তৰ পিতৃ কে কে সিঙে একেলগে খেলি থকা দেখা গৈছে। কিছু ভিডিও ওলাইছে য’ত পিতৃয়ে সুশান্তৰ ফাজৰ সৈতে খেলি থকা দেখা গৈছে। সুশান্তৰ মৃত্যুৰ পিছত পৰিয়ালে ফাজক পাটনালৈ লৈ আনে। সুশান্তৰ ভগ্নী শ্বেতা সিং কীৰ্তিয়ে ইনষ্টাগ্ৰামত এখন ফটো শ্বেয়াৰ কৰিছে য’ত পিতৃয়ে ফাজৰ সৈতে খেলি আছে। সুশান্তৰ ভগ্নীয়ে কেপচনত লিখিছে, ‘ফাজৰ সৈতে দেউতা’।
সুশান্তৰ অতি মৰমৰ আছিল পোহনীয়া ফাজ আৰু বিভিন্ন সময়ত দুয়ো খেল–ধেমালি কৰি থকা দেখা গৈছিল। বিভিন্ন মিডিয়া ৰিপ’ৰ্টত কোৱা হৈছিল যে সুশান্তৰ মৃত্যুৰ পিছত ফাজে খোৱা–বোৱা একেবাৰে কমাই দিছে। কিন্তু শেহতীয়া ছবিত দেখা গৈছে যে ফাজে এতিয়া লাহে লাহে এই দুখৰ পৰা উঠিবলৈ চেষ্টা কৰিছে।
