Sonu Sood: ছনু সুদৰ অফিচত আয়কৰ বিভাগ, বলীউডৰ এই শিল্পীসকলক লৈও চলিছিল আয়কৰ বিভাগৰ অভিযান

মুম্বাই। বলীউড অভিনেতা ছনু সুদ (Sonu Sood) অভিনয়ৰ লগতে সমাজ সেৱাৰ বাবে জনাজাত। তেওঁ যোৱা বছৰৰ কোৰোনা ভাইৰাছৰ প্ৰথম ঢৌৰ সময়ত লোকসকলক সেৱা আগবঢ়োৱাৰ উদ্যোগ লৈছিল, তেওঁ নিৰন্তৰ প্ৰয়োজনীয় সহায় কৰি আহিছে আৰ্তজনক। কিন্তু আয়কৰ বিভাগৰ বিষয়াসকলে বুধবাৰে ছনু সুদৰ মুম্বাইস্থিত অফিচত উপস্থিত হয়। আয়কৰ বিভাগে তেওঁৰ কাৰ্যালয়ত এটা 'ছাৰ্ভে' চলাই থকা বুলি জানিব পৰা গৈছে। আয়কৰ বিভাগে ইয়াৰ আগতে বলীউডৰ কেইবাজনো শিল্পীৰ গোপন আস্তানাত অভিযান চলাইছে। (ফাইল ফটো)

২০১২ চনতো আয়কৰ বিভাগে ছনু সুদৰ ঘৰত তালাচী চলাইছিল। ছনুৱে তেতিয়া ৩০ কোটি টকাৰ এটা সম্পত্তি ক্ৰয় কৰিছিল। তাৰ পিছত তেওঁৰ ঘৰত আয়কৰ বিভাগে তালাচী চলাইছিল। আয়কৰ বিভাগে ইয়াৰ আগেয়ে এইসকল শিল্পীৰ ক্ষেত্ৰতো অভিযান চলাইছে। (ফাইল ফটো)

২০২১ চনৰ ৩ মাৰ্চত অভিনেত্ৰী তাপসী পান্নু আৰু পৰিচালক অনুৰাগ কাশ্যপৰ ঘৰত আয়কৰ বিভাগে তালাচী চলায়। ফেণ্টম ফিল্মছৰ কৰ ফাঁকিৰ তদন্তৰ বাবে এই অভিযান চলোৱা হৈছিল। (ফাইল ফটো)

আয়কৰ বিভাগে ২০০০ চনত মুম্বাইৰ বিভিন্ন অঞ্চলত ছলমান খানৰ সম্পত্তিত অভিযান চলাইছিল। অভিনেতাজনৰ পানভেলৰ ঘৰতো তালাচী চলোৱা হৈছিল। ছলমানৰ ভায়েক চোহেইল খানকো তেওঁৰ হিট ছবি 'দাবাং'ৰ পিছত বিভাগটোৱে প্ৰশ্ন কৰিছিল।

একতা কাপুৰক কৰ ফাঁকিৰ বাবে ১০০জন আয়কৰ বিভাগৰ বিষয়াই তালাচী চলাইছিল। একতা কাপুৰৰ প্ৰযোজনা চলচ্চিত্ৰ 'শ্বুট আউট এট ৱাডালা'ৰ মুক্তিৰ এদিন আগতে এই পদক্ষেপ লোৱা হৈছিল। কৰ্তৃপক্ষই বালাজী টেলিফিল্মছ ষ্টুডিঅ'ৰ সৈতে জড়িত আয় আৰু কৰৰো অনুসন্ধান কৰিছিল। (ফাইল ফটো)

২০১১ চনত আইটি বিভাগে কেটৰিনা কাইফৰ ঘৰত তালাচী চলাইছিল। তেওঁৰ ওপৰত সঠিক কৰ তথ্য নিদিয়াৰ অভিযোগ আছিল। কেটৰিনাই কৈছিল যে তেওঁৰ অসামঞ্জস্যপূৰ্ণ সম্পত্তি নাই। (ফাইল ফটো)

আয়কৰ বিভাগে ২০১২ চনত সঞ্জয় দত্তৰ ঘৰত তালাচী চলাইছিল। তেওঁৰ ওপৰত কোটি কোটি টকাৰ ঘড়ী ৰখাৰ অভিযোগ আছিল। আয়কৰ বিভাগৰ বিষয়াসকলে তেওঁৰ ঘৰত ২০ ঘণ্টাতকৈও অধিক সময় ধৰি তালাচী অভিযান চলাইছিল।

আয়কৰ বিভাগে ২০১২ চনত চনু নিগমৰ ঘৰলৈও গৈছিল। চনুৱে তেওঁৰ সংগীতানুষ্ঠানৰ সৈতে অতি বিলাসী গাড়ীৰে গৈছিল, যিবোৰ পৰীক্ষা কৰিবলৈ আয়কৰ বিভাগৰ বিষয়াসকলে তেওঁৰ ঘৰত উপস্থিত হৈছিল। (ফাইল ফটো)