Mandira Celebrates Tara's Birthday : পুৰণি স্মৃতিকেই ৰোমন্থন কৰি মন্দিৰাই পালিছে কন্যা তাৰাৰ জন্মদিন, ৰাজ কৌশলৰ সৈতে পুৰণি ফটো কৰিলে ছেয়াৰ।

অভিনেত্ৰী মন্দিৰা বেদী (Mandira Bedi)য়ে স্বামী ৰাজ কৌশল (Raj Kaushal)ৰ মৃত্যুৰ পিছত নিজকে চম্ভালিবলৈ আৰু পজিটিভ ৰাখিবলৈ যথা সম্ভৱ যত্ন কৰিছে। ৰাজ কৌশলৰ মৃত্যুৰ প্ৰায় এমাহ পিছত মন্দিৰাই পুনৰ জীৱনটোক ছন্দলৈ ওভতাই অনাৰ প্ৰয়াস কৰিছে। আজি ইনষ্টাগ্ৰামত কন্যা তাৰাৰ সৈতে কেইবাখনো ফটো ছেয়াৰ কৰি তাৰাক জন্মদিনৰ ওলগ যাঁচিছে। (Image: mandirabedi/Instagram)

মন্দিৰা বেদীয়ে নিজৰ ইনষ্টাগ্ৰাম একাউণ্টত তাৰাৰ লগতে পৰিয়ালৰ সকলোৰে ফটো ছেয়াৰ কৰিছে। লগতে কেপচনত লিখিছে, "২৮ জুলাই, এবছৰ পূৰ্বে আজিৰ দিনটোতেই তুমি আমাৰ জীৱনলৈ আহিছিলা, মৰমৰ তাৰা...আৰু আজি আমি এই দিনটো উদযাপন কৰোঁ...এইয়া তোমাৰ পঞ্চমটো জন্মদিন। মোৰ ছোৱালীজনী, মই তোমাক বহুত বহুত ভালপাওঁ।" ইয়াৰ লগতে হেছটেগ দি লিখিছে 'বিগিন এগেইন' (#BeginAgain) ।(Image: mandirabedi/Instagram)

মন্দিৰাৰ এই পোষ্টত বন্ধু-বান্ধৱীৰ লগতে অনুৰাগীসকলেও তাৰাক জন্মদিনৰ শুভেচ্ছা জনোৱাৰ লগতে তাৰাৰ দীৰ্ঘায়ূ কামনা কৰি কমেণ্ট কৰিছে। (Image: mandirabedi/Instagram)

মন্দিৰাই ছেয়াৰ কৰা তাৰাৰ এখন ফটোত এজন অনুৰাগীয়ে লিখিছে, "তাইৰ এক্সপ্ৰেচন চাওক, আগতকৈ কিমান সলনি হ'ল! অনুমান হয় এই ছবিখন যোৱা বছৰৰ। প্ৰমাণ হয় যে তাই এনেকুৱা এখন ঘৰ পাইছে য'ত তাই আদৰ-মৰম পাইছে। আপোনাৰ পৰিয়ালৰ বাবে অলেখ প্ৰাৰ্থনা।" (Image: mandirabedi/Instagram)

মন্দিৰা বেদী নিজে এটি পুত্ৰ সন্তানৰ মাক আছিল। কিন্তু যোৱা বছৰ তেওঁলোকে (মন্দিৰা আৰু ৰাজ কৌশলে) তাৰাক নিজৰ কন্যাৰূপে দত্তক লৈছিল। (Image: mandirabedi/Instagram)

মন্দিৰাৰ পুত্ৰ বীৰেও নিজৰ ভনীয়েক তাৰাৰ সৈতে একাত্ম হৈ পৰিছে। সৰু ভনীয়েকক বহুত মৰম কৰে বীৰেও। (Image: mandirabedi/Instagram)

মন্দিৰাৰ গোটেই পৰিয়ালটোৱেই আচলতে তাৰাৰ সৈতে আপোন হৈ পৰিছে। ঘৰৰ সৰু-ডাঙৰ সকলোৱেই তাৰাক বহুত মৰম কৰে। (Image: mandirabedi/Instagram)

উল্লেখ্য মন্দিৰা বেদীৰ স্বামী ৰাজ কৌশলৰ হৃদক্ৰিয়া বন্ধ হৈ ৩০ জুনত মৃত্যু হয়। এতিয়া নিজৰ সন্তানৰ খাতিৰত নিজকে চম্ভালিবলৈ যত্ন কৰিছে মন্দিৰাই। (Image: mandirabedi/Instagram)