Change Language
Download App
ইংলেণ্ডৰ বিৰুদ্ধে দ্বিতীয় টি ২০ মেচত ভাৰতীয় দলে ৭ উইকেটত জয়লাভ কৰে। মেচখনত অভিষেককাৰী ইশান কিষাণে ষ্টাৰৰ ৰূপত এতিয়া সমুখলৈ আহিছে। নিজৰ প্ৰথম মেচত ৫৬ ৰানৰ দুৰ্দান্ত ইনিংছ খেলি মেন অব দ্যা মেচৰ খিতাপ জয় কৰিলে ইশান কিষাণে। যিদৰে প্ৰথমখন মেচ খেলিয়েই ইশান কিষাণে বাতৰিৰ শিৰোনাম দখল কৰিছে, ঠিক সেইসময়তে শিৰোনাম দখল কৰিছে ইশানৰ গাৰ্লফ্ৰেণ্ডেও।
ইশান কিষাণৰ গাৰ্লফ্ৰেণ্ডৰ নাম অদিতি হুণ্ডিয়া। ইশান কিষাণৰ অভিষেকৰ ঠিক আগতেই তেজৰ দৰে ৰঙা মুখৰ ফটো পোষ্ট কৰে অদিতিয়ে।
আচলতে সেই ফটো এক ট্ৰিটমেণ্টৰ অংশ প্লেটিলেট প্লাজমা থেৰাপীৰ। এই ট্ৰিটমেণ্টত শৰীৰৰ পৰা ৩০ মিলিমিটাৰ তেজ উলিয়াই প্লাজমালৈ পৰিণত কৰে আৰু ইঞ্জেকশ্যনৰ মাধ্যমেৰে মুখৰ যি ঠাইত প্ৰয়োজন, তাত দিয়া হয়। ই কোলেজন নামৰ এক প্ৰটিন বৃদ্ধি হোৱাত সহায় কৰে। ফলত বয়সৰ চাপ ধৰা নপৰে।
এই ট্ৰিটমেণ্টৰ ফলত অদিতিৰ মুখ একেবাৰে তেজৰ দৰে দেখা গৈছিল। ইশানৰ প্ৰেয়সী পেছাত এগৰাকী মডেল। ইশানক অভিষেক মেচৰ বাবে শুভেচ্ছা জনাই এই ফটো আপলোড কৰিছে।
দুটা ইংৰাজী ফুটবল ক্লাব লিভাৰপুল আৰু টটেনহম হটছপুৰৰ মাজত অনুষ্ঠিত হোৱা ইউৰোপীয় চেম্পিয়নছ লীগ ফাইনেলত আজৱ ঘটনা সংঘটিত হ’ল। যাৰ বাবে আধাতে সামৰিব লগা হ’ল খেল।
কিংছে ব’লানস্কী নামৰ এগৰাকী মডেলে প্ৰেমিক বিটালীৰ প’ৰ্ণ ছাইটক প্ৰম’ট কৰিবলৈ এনেদৰে প্ৰৱেশ কৰিছিল খেলৰ মাজতে। মডেলগৰাকীয়ে প্ৰেমিকৰ ৱেব ছাইটৰ নাম লিখি ৰাখিছিল ছুইমছুটৰ পাছফালে।
ব’লানস্কীয়ে খেলপথাৰত প্ৰৱেশ কৰা নিজৰ ভিডিঅ’ নিজেই ছচিয়েল মিডিয়াত শ্বেয়াৰ কৰিলে। এই পোষ্টৰ পিছতে মডেলগৰাকীৰ ফল’ৱাৰ বাঢ়ি গৈ আছিল।
ওড়িশাৰ বালাচোৰৰ পৰা লোকসভালৈ নিৰ্বাচিত হৈছে বিজেপিৰ প্ৰতাপ চন্দ্ৰ সাৰংগী। তেওঁ বিজেডিৰ প্ৰতিদ্বন্দ্বী ৰবীন্দ্ৰ কুমাৰ জেনাক ১২,৯৫৬ ভোটত পৰাস্ত কৰিছে। উল্লেখযোগ্য যে ২০১৪চনত তেওঁ লোকসভাত যুঁজি পৰাস্ত হৈছিল।
ছচিয়েল মিডিয়াত এইকেইদিন কেৱল প্ৰতাপ চন্দ্ৰ সাৰংগীৰে চৰ্চা। মানুহে তেওঁক ওড়িশাৰ মোদী আখ্যা দিছে। অবিবাহিত এইগৰাকী ব্যক্তি এটা জুপুৰীত বাস কৰে। আৰ্থিক দৈন্যৰ সৈতে যুঁজিও তেওঁ দীঘলীয়া সময় সমাজসেৱাত সক্ৰিয়ভাৱে জৰিত হৈ আছে।
বালাসোৰৰ গোপীনাথপুৰৰ এটা দৰিদ্ৰ পৰিয়ালত তেওঁৰ জন্ম। উৎকল বিশ্ববিদ্যালয়ৰ ফকীৰ কলেজৰ পৰা স্নাতক ডিগ্ৰী লাভ কৰিছে। মানুহে কয় সৰুৰে পৰা আধ্যাত্মিকতাৰ সৈতে নিকট সম্পৰ্ক নৱ নিৰ্বাচিত সাংসদগৰাকীৰ।
এসময়ত ৰামকৃষ্ণ মঠত সাধু হোৱাৰ বাসনা আছিল ব্যক্তিগৰাকীৰ। কেইবাবাৰো তেওঁ মঠলৈ অহা যোৱাও কৰিছিল। কিন্তু যেতিয়া মঠৰ মানুহে গম পালে যে তেওঁৰ পিতৃ নাই আৰু মাতৃ অকলশৰীয়া মঠৰ মানুহে তেওঁক মাতৃৰ সেৱা কৰিবলৈ আহ্বান জনায়।
তেওঁ বালাসোৰ আৰু ময়ুৰভঞ্জ জিলাৰ আদিবাসী এলেকাত কেইবাখনো বিদ্যালয় নিৰ্মাণ কৰিছে। তেওঁ চাইকেলেৰে অহা যোৱা কৰে।
মানুহে কোৱা মতে প্ৰধানমন্ত্ৰী নৰেন্দ্ৰ মোদীৰো প্ৰিয়পাত্ৰ এইগৰাকী ব্যক্তি। যেতিয়াই নৰেন্দ্ৰ মোদী ওড়িশালৈ যায় তেতিয়াই তেওঁক সাক্ষাৎ কৰে মোদীয়ে।
মুম্বাইৰ এখন ব্যক্তিগত চিকিৎসালয়ত দীৰ্ঘদিন ধৰি চিকিৎসাধীন হৈ আছিল বীৰু দেৱগন।সোমবাৰে শেষ নিশ্বাস ত্যাগ কৰাৰ পিছত, বীৰু দেৱগনক অন্তিম দৰ্শনৰ বাবে অজয়ৰ ঘৰত উপস্থিত হয় বলিউডৰ বহুকেইগৰাকী অভিনেতা অভিনেত্ৰী।
মৃত্যুৰ বাতৰি পোৱাৰ পিছতেই অজয় দেৱগনৰ ঘৰত উপস্থিত হয় অভিনেতাৰ পৰা নেতা হোৱা,পঞ্জাবৰ গুৰদাসপুৰ সমষ্টি সাংসদ ছানী দেউল আৰু অভিনেতা ববী দেউল।
