Happy Birthday Kajol: বলীউদত নিজৰ যাদু দেখুৱাব নোৱাৰিলও দক্ষিণত উজলিছে কাজল!  জানক কাজলৰ বিষয়ে সকলো...

১৯৮৫ চনৰ ১৯ জুনত মুম্বাইত জন্মগ্ৰহণ কৰা অভিনেত্ৰী কাজল আগৰৱালৰ আজি ওপজা দিন । ৩৬ বছৰ বয়সত ভৰি দিলে অভিনেত্ৰীগৰাকীয়ে । বলীউদত কেইবাখনো ভাল ছবিত অভিনয় কৰিছিল কাজলে, কিন্তু নিজৰ প্ৰাপ্য স্থান লাভ নকৰিলে অভিনেত্ৰীগৰাকীয়ে । বলীউদী যাত্ৰা সফল নহ'লেও কিন্তু দক্ষিণৰ ছবি উদ্যোগত সফলতা বুটলিবলৈ সক্ষম হৈছে 'সিংঘম' (Singham) অভিনেত্ৰীগৰাকীয়ে ।

তামিল, তেলেগু আৰু মালায়ালম চলচ্চিত্ৰত কাম কৰি, তেওঁ সফলতাৰ এক নতুন অভিলেখ লিখি আছে । যদিও হিন্দী ছবিত বিশেষ কৰিব পৰা নাই, তথাপিও প্ৰায়েই বাতৰিৰ শিৰোনাম দখল কৰে কাজলে। সময়ে সময়ে কাজল বিভিন্ন ফটো বা ভিডিও ভাইৰেল হৈ পৰে ছচিয়েল মিডিয়াত। কেৱল এয়াই নহয়, নিজৰ বিয়াক লৈও চৰ্চাত আছিল কাজল ।

মুম্বাইত ডাঙৰ দীঘল হোৱা কাজল আগৰৱালাই মডেলিঙৰ জৰিয়তে প্ৰথমবাৰৰ বাবে কেমেৰা সৈতে মুখামুখি হৈছিল। ইয়াৰোপৰি তেওঁ ভিন্ন ছবিত বেকগ্ৰাউণ্ড ডান্সাৰ হিচাপেও কাম কৰিছিল। এতিয়া কাজলে তেওঁৰ এখন ছবিৰ বাবে ১ কোটি টকাৰ কম মাচুল নলয়। বিলাসী জীৱন যাপনত বিশ্বাসী কাজলৰ সম্পত্তিৰ তালিকাও দীঘলীয়া । জানিব পৰা মতে, অভিনেত্ৰীগৰাকীৰ ৰেঞ্জ ৰোভাৰ, বিএমডব্লিউ আৰু অডিৰ দৰে গাড়ী আছে । মুম্বাইৰ লগতে হায়দৰাবাদতো আছে কাজলৰ এটা বিলাসী ঘৰ ।

কাজলে বিগত বছৰ কোৰোণা কালত ব্যৱসায়ী গৌতম কিচলুৰ সৈতে বিবাহ পাশত আৱদ্ধ হৈ আচৰিত কৰি তুলিছিল সকলোকে । কাজল আৰু গৌতমৰ বিয়াৰ ফটো ব্যাপক হাৰত ভাইৰেল হৈছিল ।

কাজলে ২০০৪ চনত 'ক্যু হো গয়া না' ছবিৰ জৰিয়তে বলীউদত আত্মপ্ৰকাশ কৰিছিল। ইয়াৰ পিছত 'মুম্বাই চাগা' আৰু 'সিংঘম'ৰ দৰে ছবিত কাম কৰাৰ সুবিধা লাভ কৰিছিল কাজলে । ইয়াৰ পিছতো তেওঁ বলীউদত নিজৰ স্থান ধৰি ৰাখিব নোৱাৰিলে।

উল্লেখ্য যে, অতিশীঘ্ৰে চিৰঞ্জীৱীৰ 'আচাৰ্য' ছবিত দেখিবলৈ পোৱা যাব কাজলক । আনফাালে নাগাৰ্জুনৰ সৈতে 'ইণ্ডিয়ান 2' ছবিৰ বাবেও কাম কৰি আছে অভিনেত্ৰীগৰাকীয়ে ।