Covid-19 vaccine: টিকাকৰণৰ পিছত দেখা দিছে নানা সমস্যা! সুস্থ থাকিবলৈ ভেকচিন লোৱাৰ আগত আৰু পিছত কি খাব, কি নাখাব?

দেশৰ বহু লোকে ইতিমধ্যে কোৰোণাৰ ভেকচিন লৈছে। বহুতে ভেকচিন লোৱাৰ পৰিকল্পনা কৰিছে। বহুতেই আকৌ ভেকচিনৰ পৰা কি কি পাৰ্শ্বক্ৰিয়া হ’ব পাৰে তাক লৈ চিন্তাত পৰিছে। কিন্তু জানেনে ভেকচিন লোৱাৰ আগত আৰু পিছত কি খাইছে, তাৰ ওপৰত নিৰ্ভৰ কৰে আপোনাৰ শৰীৰ কেনে থাকিব। কোনোৱে কৈছে ভেকচিন লোৱাৰ সময়ত শৰীৰত যাতে যথেষ্ট পৰিমাণে প্ৰটিন থাকে সেয়া লক্ষ্য ৰাখিব লাগিব। কোনোৱে আকৌ কৈছে এই সময়ত শৰীৰক হাইড্ৰেটেড ৰাখিব লাগিব। তেন্তে চাওক কি কি খোৱা উচিত টিকাকৰণৰ আগত আৰু পিছত।

শৰীৰক হাইড্ৰেটেড ৰাখিবলৈ অৱশ্যে পানীৰ কোনো বিকল্প নাই। সেয়ে যথেষ্ট পানী খাওক। ইয়াৰ উপৰি যথেষ্ট পৰিমাণে ফল খাওক যাতে পাৰ্শ্বক্ৰিয়া নহয়।

ভেকচিন লোৱাৰ পিছত কাৰো জ্বৰ, ক্লান্তি, গাৰ বিষ হ’ব পাৰে। সেয়ে হাইড্ৰেটেড থকাটো প্ৰয়োজনীয়। আৰু সেইবাবে ভেকচিন লোৱাৰ পিছত মদ্যপান এৰি চলিব লাগিব। ইয়াৰ উপৰি গৱেষণাই কৈছে যে এলকহলে শৰীৰত ৰোগ প্ৰতিৰোধ ক্ষমতা কমাই দিয়ে।

ব্ৰিটিছ জাৰ্নাল আৰু নিউট্ৰিচন অনুসৰি, স্বাস্থ্যকৰ খাদ্য খাওক। কোভিড ভেকচিন লোৱাৰ পিছত ফাইবাৰযুক্ত খাদ্য খাওক। প্ৰছেছড ফুড বা ফেটজাতীয় খাদ্য এৰি চলক ভেকচিন লোৱাৰ পিছত।

ফাইবাৰযুক্ত খাদ্য খালে ৰোগ প্ৰতিৰোধ ক্ষমতা বাঢ়ে। সেয়ে ভেকচিন লোৱাৰ আগত আৰু পিছত ফাইবাৰযুক্ত খাদ্য খাওক। যি খাদ্যত এডেড ছুগাৰ আছে সেইবোৰ এৰাই চলক।

ভেকচিন লোৱাৰ আগতে বা পিছত নিয়মিত খোৱা–লোৱা কৰক। কাৰণ টিকা লোৱাৰ পিছত বহুতে অজ্ঞান হৈ পৰে। স্বাস্থ্যকৰ খাদ্য খাই এই সমস্যা বহুখিনি দূৰ কৰিব পাৰি।