দুৰ্গা পূজালৈ মাজত মাত্ৰ এসপ্তাহ বাকী। অহা বুধবাৰে মহালয়া। কিন্তু এইবাৰৰ দুৰ্গা পূজাত বৰষুণ হোৱাৰ সম্ভাৱনা। কিন্তু কোন দিনা বৰষুণ হ'ব সেয়া এতিয়াও স্পষ্ট নহয়। কেৱল অসমতে নহয়, চুবুৰীয়া পশ্চিমবংগতো এইবাৰ দুৰ্গা পূজাত বৰষুণ হোৱাৰ সম্ভাৱনা ব্যক্ত কৰিছে বতৰ বিজ্ঞান কেন্দ্ৰই। জনোৱা মতে, কাইলৈৰ পৰাই বতৰ কিছু পৰিমাণে বেয়া হোৱাৰ সম্ভৱনা আছে। আৰু একেবাৰে অষ্টমীৰ দিনালৈকে কম বেছি পৰিমাণে অব্যাহত থাকিব বৰষুণ। ষষ্ঠী আৰু সপ্তমীৰ দিনটোত গুৱাহাটী মহানগৰীত তাপ মাত্ৰা ২৬ ডিগ্ৰী পৰ্যন্ত হ্ৰাস পোৱাৰ সম্ভাৱনা আছে। ইফালে আগন্তুক ২৪ ঘণ্টাত পশ্চিমবংগৰো বিভিন্ন ঠাইত বৰষুণ হোৱাৰ সম্ভাৱনা আছে।
