Dolo 650: কোৰোণা মহামাৰীৰ সময়ত ভাৰতত জনপ্ৰিয় হৈছে Dolo 650 টেবলেট, কি কি সমস্যাত কাম কৰে এই টেবলেটে?

সম্প্ৰতি প্ৰকাশিত এক খবৰ অনুসৰি, ভাৰতীয় ব্ৰেণ্ড Dolo 650 কোৰোণা মহামাৰীৰ সময়ত আটাইতকৈ জনপ্ৰিয় টেবলেট হিচাপে পৰিগণিত হৈছে। এই সময়ত আটাইতকৈ বেছি বিক্ৰী হৈছে এই টেবলেট। যদিও কোৰোণাৰ পূৰ্বেও এই ঔষধ ব্যৱহাৰ কৰা হৈছিল। কিন্তু এই ঔষধ কিয় কোৰোণাৰ সময়ত আটাইতকৈ বেছিকৈ ব্যৱহৃত হৈছে? কেতিয়া গ্ৰহণ কৰা উচিত এই টেবলেট... কিদৰে কাম কৰে এই ঔষধে?

Dolo 650 Tablet সাধাৰণতে জ্বৰত ব্যৱহাৰ কৰা হয়। মূৰৰ বিষ, শৰীৰৰ বিষ, দাঁতৰ বিষ বা সাধাৰণ চৰ্দিৰ দৰে সমস্যাতো ডাক্তৰে এই ঔষধ ব্যৱহাৰ কৰে। ই জ্বৰত অতি ভাল কাম কৰে।

Dolo 650 Tablet ডাক্তৰেও প্ৰেচক্ৰাইভ কৰে। ডাক্তৰৰ পৰামৰ্শ অনুসৰি দৈনিক এটাকৈ গ্ৰহণ কৰা উচিত। সাধাৰণতে এই টেবলেট খাদ্য খোৱাৰ পিছত খাব লাগে। অন্যথা পেটৰ সমস্যাত ভুগিব পাৰে। কিন্তু এই টেবলেট অত্যাধিক পৰিমাণে খোৱা অনুচিত।

এই ঔষধ সঠিক ভাবে ব্যৱহাৰ কৰিলে পাৰ্শ্বক্ৰিয়া কম হয়। এই ঔষধ গ্ৰহণ কৰাৰ পিছত বহুতৰে পেটৰ বিষ, বমি বমি ভাব আদি হ'ব পাৰে। যদি এনে পাৰ্শ্বক্ৰিয়া দেখে তেন্তে ডাক্তৰৰ পৰামৰ্শ লোৱা উচিত।

Dolo 650 Tablet স্তনপান কৰোৱাৰ সময়ত ব্যৱহাৰ কৰা নিৰাপদ। গৱেষণাত দেখা গৈছে যে, ই শিশুৰ বাবে ক্ষতিকাৰক নহয়। কিন্তু কিডনী ৰোগত আক্ৰান্ত ৰোগীৰ ক্ষেত্ৰত Dolo 650 Tablet সতৰ্কতাৰে ব্যৱহাৰ কৰা উচিত।

Dolo 650 Tablet নিৰ্ধাৰিত সময়ত খাব লাগে।