ভ্ৰমণ কৰক চৰকাৰী খৰচত! চৰকাৰী কৰ্মচাৰীৰ বাবে বিশেষ পূজাৰ অ’ফাৰ

উত্‍সৱৰ বতৰত কেন্দ্ৰীয় চৰকাৰৰ কৰ্মচাৰীৰ বাবে ডাঙৰ ঘোষণা।  সোমবাৰে কেন্দ্ৰীয় বিত্তমন্ত্ৰী নিৰ্মলা সীতাৰমণে ঘোষণা কৰিলে, উত্‍সৱৰ ভাট্টা হিচাপে সকলো কেন্দ্ৰীয় চৰকাৰৰ কৰ্মচাৰী আৰু অফিচাৰক এককালীন ১০ হাজাৰ টকা দিয়া হ’ব।  ইয়াৰ লগতে কেন্দ্ৰীয় চৰকাৰৰ কৰ্মচাৰীয়ে লিভ ট্ৰেভেল কনছেশ্যন তথা এল টি চিৰ বাবে আজি নতুন  ‘tax exemption’, লিভ আৰু কেচ ভাউচাৰ স্কীমৰ ঘোষণা কৰে।

চৰকাৰী কৰ্মচাৰীয়ে লাভ কৰা সুয়োগ-সুবিধাৰ মাজত এটা হ’ল এল টি চি। এই এল টিচিকলৈও কেন্দ্ৰীয় বিত্তমন্ত্ৰীৰ বিশেষ ঘোষণা। কেন্দ্ৰীয় বিত্তমন্ত্ৰীগৰাকীয়ে কয় যে, কেন্দ্ৰীয় চৰকাৰৰ কৰ্মচাৰীৰ এল টি চিক লৈ বিশেষ পৰিকল্পনা কৰিছে চৰকাৰে। চাৰি বছৰত এবাৰ এল টিচি স্কীমৰ লাভ ভোগ কৰিব পাৰিব চৰকাৰী কৰ্মচাৰীয়ে। ভাৰতৰ ভিতৰত কোনো ঠাইলৈ ভ্ৰমণৰ বাবে গ’লে খৰচ বহন কৰিব চৰকাৰে।

ইয়াৰ বাদেও সীতাৰমণে কয় যে, কেৱল মাত্ৰ হোম টাউনতে যাতায়াত কৰিলে সেইক্ষেত্ৰত দুবাৰ এল টি চিৰ সুবিধা ল’ব পাৰিব। এই স্কীমত সকলো কৰ্মচাৰীয়ে নিজৰ  পদ আৰু পে স্কেল অনুসৰি বিমান অথবা ট্ৰেইনৰ যাত্ৰাৰ খৰচ লাভ কৰিব। ইয়াক বাদ দি ১০ দিনৰ বিশেষ ছুটিও পাব কৰ্মচাৰীয়ে।

এল টিচি স্কীম প্ৰকৃততে কি? ভ্ৰমণ কৰাৰ বিশেষ ভাট্টা লাভ কৰা বুলি ক’ব পাৰি এই স্কীমক। লিভ ট্ৰেভেল কনছেশ্যন যোজনাৰ কেচ ভাউচাৰ স্কীম আনিছে চৰকাৰে। সকলো PSU, বেংক কৰ্মচাৰীয়ে এই যোজনাৰ সুবিধা লাভ কৰিব। 

সংবাদমেলত কেন্দ্ৰীয় বিত্তমন্ত্ৰীয়ে লগতে কৈছে যে, বজাৰৰ চাহিদা তৈয়াৰ কৰাৰ বাবে এই পথ বাচি লৈছে কেন্দ্ৰই। কাৰণ কোৰোণাৰ বাবে একমাত্ৰ চৰকাৰী কৰ্মচাৰীৰহে কোনো ধৰণৰ আৰ্থিক ক্ষতি হোৱা নাই।