Durga Puja 2021 : Charcoal FacePack: পূজা সুন্দৰী হৈ উঠিব আপুনি যদিহে ব্যৱহাৰ কৰে চাৰকোলৰ ফেচপেক, জানি লওক কেনেকৈ ঘৰতে বনাব এই ফেচপেক

ৰূপ চৰ্চাৰ জগতত এতিয়া ট্ৰেণ্ডিং হৈ আছে ব্লেক বিউটী। অনেকেই এতিয়া ইয়াৰ প্ৰেমত পৰিছে। সৌন্দৰ্য চৰ্চাত এতিয়া প্ৰথম পছন্দ হৈ পৰিছে চাৰকোল ফেচপেক (Charcoal facepack)। ই ছালৰ ত্বক ডিটক্সিফাই কৰে আৰু ইয়াক মসৃণ আৰু উজ্জ্বল কৰি তোলে।

পৰিৱেশ প্ৰদূষণকে ধৰি অন্যান্য সমস্যাবোৰ বৃদ্ধি পোৱাৰ ফলত পোৰ ক্লগিং (Pore Clogging) বা ৰোমকূপৰ ছিদ্ৰ বন্ধ হোৱাটো এটা ডাঙৰ সমস্যা হৈ পৰিছে। পৰিৱেশৰ ধূলি-ময়লা প্ৰৱেশ কৰি ঘাম ছিদ্ৰবোৰৰ মুখ বন্ধ কৰে। ইয়াৰ ফলত ব্ৰণ, শালমইনা, ছাল বিবর্ণ হোৱাকে ধৰি বিভিন্ন সমস্যা হয়। চাৰকোলে সকলো ধূলি আঁতৰ কৰে আৰু ছাল উজ্জ্বল কৰে।

চাৰকোলৰ ফেচপেকে (Charcoal facepack) মুখৰ ছালৰ তেল গ্ৰন্থিৰ পৰা তেল নিঃসৰণ নিয়ন্ত্ৰণ কৰে। ই ব্লেকহেড আৰু শালমনৰ সমস্যা হ্ৰাস কৰে। চাৰকোলৰ প্ৰভাৱত এক্সফলিয়েচনো ভাল হয়। মৃত কোষবোৰ আঁতৰাই আৰু নতুন কোষৰ উজ্জ্বলতাৰ বাবে ছালে এক নতুন জীৱন লাভ কৰে।

তেলেতীয়া ছালৰ বাবে চাৰকোলৰ ফেচপেকৰ কোনো বিকল্প নাই ৷ তেলেতীয়া ছালত অধিক ব্রণ আৰু ব্রণৰ দাগ থাকে ৷ গ্ৰীষ্মকালত এই সমস্যা তীব্ৰতৰ হয়৷ সেই সময়ত চাৰকোলৰ ফোচপেকে ছালক উশাহ-নিশাহৰ বাবে মুক্ত কৰি তোলে ৷ চাৰকোল ফেচপেকে তেলেতীয়া ছালৰ বাবে আকৰ্ষণীয় চেহেৰা প্ৰদান কৰে৷ ।

বজাৰত বহুত প্ৰতিষ্ঠিত কোম্পানীৰ চাৰকোলৰ ফেচপেক উপলব্ধ। কিন্তু আপুনি এই ফেচপেকটো ঘৰত বনাব পাৰে। ১ চাহ চামুচ চাৰকোল পাউডাৰ, ১ চাহ চামুচ মুলতানি মাটি, এক চিকুট বেকিং চ'ডা, ১ চাহ চামুচ নাৰিকল তেল এটা পাত্ৰত মিহলি কৰক। মিশ্ৰণটো আপোনাৰ গোটেই মুখত ভালদৰে প্ৰয়োগ কৰক আৰু ১০ মিনিট ৰৈ থাকক। তাৰ পিছত ইয়াক পানীৰে ধুই পেলাওক।

চাৰকোলৰ গুৰি ২ চাহ চামুচ, লিকুইড চাবোন, ১ চাহ চামুচ বাদাম তেল, ২ চাহ চামুচ চাউল গুৰি, ১ চাহ চামুচ বেকিং চ'ডাৰ সৈতে মিহলি কৰক। মিশ্ৰণটো ভালদৰে ডাঠ হোৱাৰ পিছত ইয়াক মুখত প্ৰয়োগ কৰক আৰু ১ মিনিটৰ বাবে মালিচ কৰক। ১০ মিনিটৰ পিছত ধুই পেলাওক।

১টা কণীৰ বগা অংশ কাঠকয়লাৰ গুৰি, এক চতুৰ্থাংশ চামুচ নেমুৰ ৰসৰ সৈতে মিহলি কৰক আৰু অলপ ফুলা আৰু ফোঁপোলা মিশ্ৰণ কৰক। ইয়াক আপোনাৰ মুখত মিনিটৰ বাবে প্ৰয়োগ কৰক। তাৰ পিছত কুহুমীয়া পানীৰে ভালদৰে ধুব।

চাৰকোলৰ মাস্ক ব্যৱহাৰ কৰাৰ আগতে আপোনাৰ মুখখন ক্লিনজাৰেৰে ভালদৰে পৰিষ্কাৰ কৰক। তাৰ পিছত চকু আৰু ওঁঠৰ বাহিৰে মুখখন সমানভাৱে মালিচ কৰক। ইয়াক যথেষ্ট সময় ৰখাৰ ফলত ছাল খন অত্যধিক শুকান হৈ পৰে। ভালদৰে ধুবলৈ নাপাহৰিব আৰু ময়েশ্চাৰাইজাৰ প্ৰয়োগ কৰিব।