Cancer Risk: মাৰাত্মক হ'ব পাৰে এই ৫ খাদ্যাভ্যাস! এনে খাদ্য ত্যাগ নকৰিলে হ'ব পাৰে কৰ্কট ৰোগৰ কাৰণ!

শৰীৰ ভালে ৰাখিবলৈ আমি বিভিন্ন ধৰণৰ খাদ্য খাও। সেইদৰে কিছুমান মুখৰোচক খাদ্য খোৱাও আমাৰ অভ্যাস।  পিছে কিছুমান খাদ্যাভ্যাস হৈ পৰিব পাৰে মাৰাত্মক ৰোগৰ কাৰণ।  কাৰণ গৱেষণাই জনাইছে যে, খাদ্যাভ্যাসেই শৰীৰত কেন্সাৰ কোষৰ বৃদ্ধিৰ আশংকা বঢ়ায়। অথবা কমাব পাৰে।

আমি সকলোৱে জানো যে, কৰ্কট এক প্ৰকাৰৰ প্ৰাণঘাটি ৰোগ। বৰ্তমান সমগ্ৰ বিশ্বতে মৃত্যুৰ অন্যতম কাৰণ হৈ পৰিছে কৰ্কট ৰোগ।  জীৱনযাত্ৰা বা লাইফ ষ্টাইলৰ পৰিৱৰ্তনৰ ফলত এই মাৰাত্মক ৰোগ বাঢ়ি অহা দেখিবলৈ পোৱা গৈছে। ইয়াৰ উপৰিও কিছুমান বদ অভ্যাস কৰ্কট ৰোগৰ কাৰণ হ'ব পাৰে। যাৰ ভিতৰত উল্লেখ্যযোগ্য-, শাৰীৰিক ব্যায়ামৰ অভাৱ, ধূমপান, অৱেচিটী, এলকোহল সেৱন। আৰু এটা গুৰুত্বপূৰ্ণ কাৰণ হৈছে- অতি বেঙুনীয়া ৰশ্মি। 

প্ৰচেচড মিটঃ মাংস, পোল্ট্ৰী, মাছ বা ডিমঃ এই সকলোবোৰ শৰীৰৰ কাৰণে ভাল। কিন্তু প্ৰতিটোৱেই ভালদৰে ৰান্ধিব লাগিব। আৰু খোৱাৰ পৰিমাণৰ ওপৰতো নজৰ দিব লাগিব। ৰেড মিট শৰীৰৰ বাবে ভাল নহয়। ওজন বৃদ্ধিৰ পৰা আৰম্ভ কৰি কৰ্কট আদি বহুৰোগৰ কাৰণ। আৰু মাংসৰ প্ৰেচেচিঙৰ সময়ত নানা ধৰণৰ উপাদানৰ উৎপন্ন হয়। যি কৰ্কটৰোগৰ কাৰণ হব পাৰে।  হট ডগ, প্ৰচেচড মাংসতকৈ ঘৰত ভালদৰে ৰন্ধা মাংস খোৱাই শ্ৰেষ্ঠ।

অত্যাধিক ফ্ৰাই কৰা খাদ্যই কেন্সাৰ চেল সৃষ্টিৰ আশংকা বৃদ্ধি কৰে। ফ্ৰেঞ্চ ফ্ৰাই, ফ্ৰাইড চিকেন- যাৰ প্ৰিয়, সেইসকল সাৱধান হ'বৰ হল। আচলতে আলু অথবা মাংস অত্যন্ত উচ্চ তাপমাত্ৰাত ভাজিলে ইয়াৰ পৰা এটা উপাদান তৈয়াৰ হয়। যাৰ নাম এক্ৰিলামাইড। গৱেষণাই কৈছে যে, এই উপাদান কাৰ্চিনোজেনিকধৰ্ম। ডিএনএক ধ্বংস কৰে। 

ৰিফাইণ্ড দ্ৰব্যঃ গৱেষণাই কৈছে যে, বহু পৰিমাণে প্ৰচেচড চেনী বা কাৰ্বহাইড্ৰেটে শৰীৰত অক্সিডেটিভ ষ্টেচ বৃদ্ধি কৰে। যি কৰ্কট কোষ তৈয়াৰ কৰিব পাৰে। ফলত নানা ধৰণৰ কৰ্কট ৰোগৰ আশংকা বৃদ্ধি পায়।  ৰিফাইণ্ড দ্ৰব্য বেছিকৈ খালে, জৰায়ু, স্তন কৰ্কট ৰোগৰ আশংকা বৃদ্ধি কৰে। 

এলকোহল আৰু পানীঃ এলকোহল বা কাৰ্বোনেটেড পানীয়ত প্ৰচুৰ পৰিমাণে ৰিফাইণ্ড চেনি বা কেলৰিযুক্ত উপাদান ব্যৱহৃত হয়। এই ধৰণৰ খাদ্য বেছিকৈ খালে, মুক্ত মৌলৰ সংখ্যা দেহত বাঢ়ি যায়। ফলত দেহত ইনফ্লামেশ্য়নো বাঢ়ি যায়।  এলকোহলে ইমিউনিটী হ্ৰাস কৰে বা পেনক্ৰিয়াচত আক্ৰমণ কৰে।

পেকেটজাতীয় খাদ্যঃ পেকেটজাতীয় খাদ্য সকলোৰে প্ৰিয়। এনে খাদ্য ৰান্ধোতে বেছি সময়ৰ প্ৰয়োজন নহয়। খায়ো ভাল লাগে।  যেনে ইনষ্টেণ্ট নুডলছ, পোহা, ইডলি, পাষ্টা আদিয  এনে খাদ্যই শৰীৰলৈ বিপদ মাতি আনে।