দেখাত হুবহু চকলেটৰ দৰে এই বস্তুটো বেলেগ একো নহয়! জানক সবিশেষ...

Cacao free Chocolateত যদিও কেকাও ব্যৱহাৰ কৰা হোৱা নাই, কিন্তু ইয়াৰ ৰূপ আৰু সোৱাদৰ লগত আপোচ কৰা হোৱা নাই। যিহেতু WNWN FoodLabs দ্বাৰা নিৰ্মিত এই সামগ্ৰীত কেকাও ব্যৱহাৰ কৰা হোৱা নাই সেয়েহে তেওঁলোকে ইয়াৰ নাম চকলেট নাৰাখি চাক ৰাখিছে।

উইনউইন নামৰ এই কোম্পানীটোৱে ১৮ মে’ত নিজৰ ৱেবছাইটত চাক মুকলি কৰিছিল। আহৰুম পাক ( Ahrum Pak) আৰু ডাঃ জনী ড্ৰেইনে (Dr. Johnny Drain) একেলগে এই ষ্টাৰ্টআপ আৰম্ভ কৰিছে আৰু পৰম্পৰাগত চকলেটৰ ঠাইত কেকাও অবিহনে এই সামগ্ৰী প্ৰস্তুত কৰিছে। তেওঁলোকে কয় যে ইয়াৰ জৰিয়তে তেওঁলোকে কেকাও উৎপাদনত শিশু শ্ৰমিক হ্ৰাস কৰিব বিচাৰে।

আহৰাম আৰু জনীয়ে কয় যে বিশ্বৰ ৭৫ শতাংশ কেকো ঘানা আৰু আইভৰিৰ পৰা আহে আৰু এই উদ্যোগত প্ৰায় ১০ লাখ শিশুৱে কাম কৰি আছে। ইয়াৰ বাহিৰেও কেকাও উৎপাদনৰ বাবে আজিকালিৰ মাটিবোৰ অনুপযোগী হৈ পৰিছে। মাইটি আৰ্থ নামৰ এটা বেচৰকাৰী সংস্থাৰ মতে দুয়োখন দেশৰ অনুৰ্বৰ ভূমিৰ বাহিৰেও তেওঁলোকে দৰিদ্ৰতাৰ সন্মুখীন হৈছে। এনে অৱস্থাত কেকাও উৎপাদনৰ ওপৰত নিৰ্ভৰ কৰাটো ভুল।

তেওঁলোকে বনোৱা নতুন চকলেটটোত এক গ্ৰামো কেকাও ব্যৱহাৰ কৰা হোৱা নাই। বৰং বাৰ্লি আৰু কেৰব গছৰ ফল ব্যৱহাৰ কৰি চাক তৈয়াৰ কৰা হৈছে। ইতিমধ্যে ইয়াক খাদ্য উদ্যোগত ব্যৱহাৰ কৰা হৈছে, গতিকে ইয়াৰ কোনো পাৰ্শ্বক্ৰিয়া নাই।

ইয়াক বনোৱাৰ প্ৰক্ৰিয়াত দ্য স্পুন মিডিয়াৰ মতে প্ৰথমে ফলবোৰ ফাৰ্মেণ্টেচন প্ৰক্ৰিয়া সম্পন্ন কৰা হয় আৰু ইয়াক বাদামী ৰঙৰ পেষ্টলৈ ৰূপান্তৰিত কৰা হয়। তাৰ পিছত ছিৰিয়েল গ্ৰেইন মিহলাই মিঠা ব্যঞ্জন প্ৰস্তুত কৰা হয়। তাৰ পিছত এই বেটাৰটো সাধাৰণ চকলেটৰ দৰে এটা ছাঁচত জমা কৰা হয়।

বাৰু, চকলেটৰ বিকল্প এটা প্ৰস্তুত কৰা হৈছে, কিন্তু ই চকলেটৰ দৰেই সোৱাদ আৰু আনন্দ দিবনে? যদিও নিৰ্মাতাসকলে দাবী কৰে যে ইয়াৰ গুণ আৰু এন্টিঅক্সিডেন্ট চকলেটৰ দৰেই আছে। (Credit- Instagram/@wnwnfoodlabs)