Business Idea: এটকাও বিনিয়োগ কৰিব নালাগে! চৰকাৰৰ সৈতে ব্যৱসায় কৰি মাহিলি উপাৰ্জন কৰক লাখ টকা!

কোভিড পৰিস্থিতিত এতিয়াও ক’লা মেঘে আৱৰি আছে দেশৰ অৰ্থনীতিৰ আকাস। লকডাউন উঠি গ’লেও চাকৰিৰ ক্ষেত্ৰত বহু অসুবিধাৰ সন্মুখীন হৈছে বহু লোকে। কোনো কোনোৱে চাকৰি হেৰুৱাইছে, বহুতৰে বেতন কৰ্তন। সেয়ে অতিৰিক্ত উপাৰ্জনৰ বাবে বহুতেই বিচাৰিছে বিকল্প পথ। আপুনিও যদি ভাবিছে আপোনাৰ বাবে আছে এক সুন্দৰ সুযোগ।

আমি ক’বলৈ লৈছো আধাৰ কাৰ্ড ফ্ৰেঞ্চাইজিৰ (Aadhaar Franchise) ব্যৱসায়ৰ কথা। আপুনি যদি আধাৰ কাৰ্ডৰ বিষয়ে ভালকৈ জ্ঞাত হয়, আৰু আপুনি যদি ভাৱে আধাৰ কাৰ্ড চেণ্টাৰ খোলাৰ বাবে আপুনি উপযুক্ত তেন্তে আধাৰ কাৰ্ড ফ্ৰেঞ্চাইজি আপোনাৰ বাবে খুব ভাল লাভদায়ক হ’ব পাৰে। এই ব্যৱসায়ত বিনিয়োগ শূন্য। কিন্তু লাভৰ পৰিমাণ বহু বেছি। আপোনাৰ মাহিলি উপাৰ্জন হ’ব পাৰে লাখ টকাও।

আধাৰ কাৰ্ডৰ ফ্ৰেঞ্চাইজি (Aadhaar Franchise) লোৱাৰ লগতে আপুনি ল’ব পাৰে Post Office Franchiseও। বৰ্তমান সময়ত নাগৰিকসকলৰ ওচৰত পোষ্ট অফিচ জনপ্ৰিয় বিকল্প। য’ত বেংকৰ সুদৰ হাৰ কমিছে তাত বহুতে পোষ্ট অফিচত টকা জমা কৰাটো গ্ৰহণযোগ্য বুলি ভাবিছে। বিশেষকৈ আপুনি যদি গাঁও অঞ্চলত থাকে, তেন্তে এই ব্যৱসায়ৰ পৰা ভাল উপাৰ্জন কৰিব পাৰে।

কেনেকৈ ল’ব আধাৰ কাৰ্ড ফ্ৰেঞ্চাইজি? অত্যন্ত সহজ এই কাম। ইয়াৰ বাবে আপুনি কেৱল UIDAIৰ অধীনত এটা পৰীক্ষা দিব লাগিব। এই পৰীক্ষাত পাছ কৰিলে আপুনি আধাৰ কাৰ্ড ফ্ৰেঞ্চাইজি খোলাৰ বাবে লাইচেঞ্চ পাব।

ইমানতে শেষ নহয়। আধাৰৰ ছাৰ্ভিচ চেণ্টাৰৰ ৰেজিষ্ট্ৰেচনৰ বাবে আপুনি বায়’মেট্ৰিক ভেৰিফিকেচন আৰু এনৰোলমেণ্ট নম্বৰৰ ভেৰিফিকেচন কৰিব লাগিব। NSEITৰ ৱেবছাইটত গৈ আপুনি নিৰ্দিষ্ট নিম্নলিখিত পদ্ধতিৰ মাধ্যমত সেয়া কৰিব পাৰিব।

প্ৰথমে NSEITৰ ৱেবছাইটলৈ যাওক। তাত ক্ৰিয়েট নিউ ইউজাৰত ক্লিক কৰক। এটা XML ফাইল খোল খাব। Share Code কৰাৰ বাবে নিৰ্দেশ দিব। XML ফাইল আৰু শ্বেয়াৰ কোডৰ বাবে আপুনি আধাৰৰ ৱেবছাইটৰ পৰা নিজৰ অনলাইন e-Aadhar ডাউনলোড কৰিব।

তাৰ পৰা ডাউনলোড কৰিলে XML ফাইল আৰু শ্বেয়াৰ কোড দুয়োটাই ডাউনলোড হ’ব। এই দুটা ব্যৱহাৰ কৰিব লাগিব। এখন ফৰ্মত নিজৰ ব্যক্তিগত তথ্য আদি দিব লাগিব। এই ফৰ্ম ছাবমিট কৰাৰ পিছত আপোনাৰ ফোন নম্বৰত আৰু ইমেইল আইডিত ইউজাৰ আই ডি আৰু পাছৱৰ্ড আহিব। তাৰ পৰা আধাৰ টেষ্টিং চাৰ্টিফিকেচন প’ৰ্টেলত লগইন কৰিব পাৰিব।

এখন ফৰ্ম ফিলআপ কৰি নিজৰ ফটো আৰু চহী আপলোড কৰিব লাগিব। আপুনি এটা প্ৰিভিউ অপচন দেখিবলৈ পাব। তাত নিজৰ সকলো নথি পুনৰ পৰীক্ষা কৰিব পাৰিব। সমস্ত পদ্ধতি সঠিকভাৱে হ’লে আপুনি ফ্ৰেঞ্চাইজিৰ বাবে এলাউড।