ছচিয়েল মিডিয়াত ট্ৰেণ্ড হৈছে #BoycottIPL, কি কৰিব এতিয়া ধোনী, কোহলী, ৰোহিতে?

অৱশেষত চূড়ান্ত হ’ল IPL-2020ৰ তাৰিখ। আই পি এলৰ ১৩তম সংস্কৰণ অহা ১৯ ছেপ্তেম্বৰৰ পৰা ১০ নৱেম্বৰলৈকে ইউ এ ইত অনুষ্ঠিত হ’ব। এইবাৰ ৫৩ দিন ধৰি চলিব ট’ৰ্ণামেণ্ট।

কিন্তু ছচিয়েল মিডিয়াত এতিয়া ট্ৰেণ্ড- #BoycottIPL। কিন্তু কাৰণ কি জানেনে? বিচিচিআইয়ে চীনা কেম্পানীৰ সৈতে থকা চুক্তি অটুট ৰাখাৰ বাবেই এতিয়া আই পি এল বিৰুদ্ধে গঢ়িছে তীব্ৰ জনমত। ভিভো হ’ল আই পি এলৰ টাইটেল Sponsor। সেইদৰে পে টি এম, ড্ৰীম ১১, বাইজুসত আছে চীনৰ বিনিয়োগ। এই সমূহ প্ৰতিষ্ঠানৰ পৰা বছৰি ৪৪০ কোটি টকা লাভ কৰে বিচিচিআইয়ে।

আই পিএলৰ ১৩তম সংস্কৰণ ১৯ ছেপ্তেম্বৰৰ পৰা আৰম্ভ হ’ব। শেষ হ’ব ১০ নৱেম্বৰত। কিন্তু চীনা কোম্পানীৰ সৈতে চুক্তি অটুট ৰখাৰ বাবে ধোনী, কোহলী আৰু ৰোহিত শৰ্মাকে ধৰি আগশাৰীৰ তাৰকাক এইবাৰ আই পি এলত অংশ গ্ৰহণ নকৰিবলৈ দাবী জনাইছে বহুতে।

আই পিএলৰ ব্ৰডকাষ্টাৰ ষ্টাৰ স্পৰ্টচ। লীগৰ প্ৰতিখন খেল ষ্টাৰ স্পৰ্টচ চেনেলতে সম্প্ৰচাৰিত হ’ব।

লাভ কৰা খবৰ অনুসৰি, ভাৰতীয় সময় মতে, দিনৰ ৩.৩০ বজাত আৰু গধুলি ৭.৩০ বজাত আৰম্ভ হ’ব মেচ।

গধুলিৰ মেচসমূহ আগতকৈ আধা ঘণ্টা দেৰিকৈ আৰম্ভ হ’ব।