মাত্ৰ ৪২ টকাতে লাভ কৰক আজীৱন পেন্সন, বহুলোকৰ পছন্দ এইখন চৰকাৰী স্কীম...আপুনিও হওক অংশীদাৰ

অটল পেন্সন যোজনা- অটল পেন্সন যোজনা কেন্দ্ৰীয় চৰকাৰৰ ছচিয়েল চিকিউৰিটী স্কীম। এই আঁচনিৰ অধীনত কেন্দ্ৰীয় চৰকাৰে অসংগঠিত ক্ষেত্ৰত কাম কৰা লোকসকলক প্ৰতি মাহে ১ হাজাৰৰ পৰা ৫ হাজাৰলৈকে পেন্সন দিয়ে। ১৮ৰ পৰা ৪০ বছৰ বয়সৰ সকলো লোকেই এই আঁচনিৰ অধীনত একাউণ্ট খুলিব পাৰে। এইখন চৰকাৰী আঁচনিৰ গুৰুত্বপূৰ্ণ কথাটো হ’ল-  যিমান সোনকালে এই আঁচনিৰ অধীনত ধন বিনিয়োগ কৰা হ’ব, সিমানেই ফাণ্ড জমা হ’ব।

বহুলোকে আদৰিছে এই আঁচনিঃ অটল পেন্সন যোজনাৰ সদস্যৰ সংখ্যা ২.৪ কোটি হৈ গ’ল। বিত্তীয় বৰ্ষ ২০২০-২১ত ২৫০ এপিৱাই চাৰ্ভিচ প্ৰভাইডাৰৰ জৰিয়তে ১৭ লাখতকৈ অধিক এপিৱাই একাউণ্ট খোলা হৈছে।

অটল পেন্সন যোজনাৰ সুবিধা- অটল পেন্সন যোজনাৰ অধীনত কেৱল জীৱিত অৱস্থাতে নহয়, মৃত্যুৰ পিছতো পৰিয়ালে সহায় লাভ কৰিব। যদি বিনিয়োগৰ কথা কোৱা হয়, তেন্তে মাত্ৰ ৪২ টকা বিনিয়োগ কৰিয়েই ৬০ বছৰ বয়সৰ পৰা ১ হাজাৰকৈ টকাকৈ লাভ কৰিব।  যদি ২১০ টকা বিনিয়োগ কৰে তেন্তে প্ৰতি মাহে ৫ হাজাৰকৈ টকা লাভ কৰিব। কিন্তু ইয়াৰ বাবে ১৮ বছৰ হোৱা জৰুৰী।

মৃত্যুৰ পিছতো লাভ কৰিব সুবিধাঃ যদি ৬০ বছৰৰ পূৰ্বেই যোজনাৰ অধীনত থকা ব্যক্তিৰ মৃত্যু হয়, তেন্তে  তেওঁৰ পত্নীয়ে এই আঁচনিৰ অধীনত টকা জমা কৰিব পাৰিব।  আৰু ৬০ বছৰৰ পিছত মাহিলী পেন্সন লাভ কৰিব। 

আপুনিও ভৱিষ্যতৰ সুৰক্ষাৰ বাবে ল’ব পাৰে এই আঁচনিৰ সুবিধা।