Idli Amma: মাত্ৰ ১ টকাত ইডলি খুৱাই তেওঁ, মাতৃ দিৱসত সেইগৰাকী ''ইডলি আম্মা''ক নতুন ঘৰ উপহাৰ দিলে উদ্যোগপতি আনন্দ মহিন্দ্রাই

তামিলনাডুৰ ভাদিভেলাম্পালায়ামৰ বাসিন্দা কমলাথালক 'ইডলি আম্মা' (ইডলি পট্টি) বুলি জনা যায়, মাতৃ দিৱস উপলক্ষে দেশৰ বিখ্যাত ব্যৱসায়ী আনন্দ মহিন্দ্ৰাই তেওঁক এটা ঘৰ উপহাৰ দিয়ে। ঘৰটোৰ ফটো এতিয়া সামাজিক মাধ্যমত ভাইৰেল হৈ পৰিছে। মানুহে আনন্দ মহিন্দ্ৰাৰ প্ৰশংসা কৰিছে। সংবাদ সংস্থা এএনআইৰ সৈতে হোৱা এক সাক্ষাৎকাৰত কমলাথালে কয়, "মই অত্যন্ত সুখী। মই এটা নতুন ঘৰত থাকিম।'

নতুন ঘৰত তেওঁৰ বাবে এটা বিশেষ পাকঘৰো নিৰ্মাণ কৰা হৈছে। পূৰ্বে উদ্যোগপতি আনন্দ মহিন্দ্ৰাই কেন্দ্ৰীয় মন্ত্ৰী ধৰ্মেন্দ্ৰ প্ৰধানৰ সহায়ত তেওঁক বিনামূলীয়া ৰন্ধন গেছৰ সংযোগো কৰি দিছিল।

আনন্দ মহিন্দ্ৰাই নিজেই ইডলি আম্মাক এটা ঘৰ উপহাৰ দিয়াৰ বিষয়ে টুইট কৰিছিল। এমহলীয়া ঘৰটো অতি ধুনীয়া।

ইডলি আম্মাই মাত্ৰ এটকাত ইডলি বিক্ৰী কৰে। তেওঁৰ কামত প্ৰভাৱিত হৈ আনন্দ মহিন্দ্ৰাই তেওঁক এই ঘৰ উপহাৰ দিছিল।

আনন্দ মহিন্দ্ৰা মাতৃ দিৱসৰ আগতে ঘৰটো সম্পূৰ্ণৰূপে সাজু হ'ব নে নাই তাক লৈ চিন্তিত আছিল, কিন্তু শেষত ঘৰটো সময়মতে নিৰ্মাণ কৰা হৈছিল।

ইডলি আম্মাই এক টকাত দৰিদ্ৰ লোকক ইডলি বিক্ৰী কৰে। দুবছৰ আগতে মানুহে সামাজিক মাধ্যমৰ জৰিয়তে তেওঁৰ বিষয়ে জানিব পাৰিছিল। ৩০ বছৰ ধৰি ভাদিভেলাম্পালায়াম গাঁৱত ইডলিৰ দোকান দি জীৱন নিৰ্বাহ কৰিছে তেওঁ।

পূৰ্বে ২৫ পইচাত ইডলি যোগান ধৰা কমলাথালে শেহতীয়াকৈ বস্তুৰ মূল্যবৃদ্ধি হোৱাৰ বাবে প্ৰতি প্লেট ইডলিৰ দাম ১ টকালৈ বৃদ্ধি কৰে।

আনন্দ মহিন্দ্ৰাই ইডলি আম্মাৰ বিষয়ে সকলোৱে জনাৰ পিছত তেওঁৰ ব্যৱসায়ত বিনিয়োগ কৰাৰ কথা কয়।