মাত্ৰ ৫ টকাতে ক্ৰয় কৰক সোণ! অবিশ্বাস্য সুযোগ দিছে Amazon Pay-এ, আৰম্ভ হ’ল ‘গোল্ড ভল্ট’ সেৱা

ই-কমাৰ্চ আমাজ’ন ইণ্ডিয়াৰ ফিনাঞ্চিয়েল চাৰ্ভিচ কোম্পানীয়ে আমাজ’ন পেৰ গ্ৰাহকৰ বাবে লন্স কৰিলে ডিজিটেল গোল্ড বিনিয়োগ সেৱা-‘গোল্ড ভল্ট’। ‘চেফগোল্ড’ৰ সৈতে ব্যৱসায়িক চুক্তি কৰি নিজৰ গ্ৰাহকৰ বাবে ডিজিটেল গোল্ডৰ সেৱা লন্স কৰিছে ‘ Amazon Pay-এ।আমাজ’ন পেৰ এই সেৱাৰ জৰিয়তে গ্ৰাহকৰ নূন্যতম মাত্ৰ ৫ টকাতে ডিজিটেল সোণ ক্ৰয় কৰিব পাৰিব।

এই সেৱাৰ জৰিয়তে গ্ৰাহকে অতি সহজেই ভাৰ্ছুৱেল সোণ বিনিয়োগ কৰিব পাৰিব। এই ডিজিটেল প্লেটফৰ্ম আমাজ’ন গ্ৰাহকে যিকোনো মূল্যৰ বিনিময়ত সোণ ক্ৰয় আৰু বিক্ৰী কৰিব পাৰিব। ইয়াৰ বাবে পৃথককৈ কোনো ডিজিটেল লকাৰ ভাড়াত লোৱাৰ প্ৰয়োজন নাই গ্ৰাহকে।

এই সেৱা মুকলি কৰাৰ লগে লগেই পে টি এম, ফোন পে, গুগ’ল পে, মোবি-কুইক , এক্সিছ বেংকৰ ফ্ৰী ৰিচাৰ্জৰ দৰে কোম্পানীক তীব্ৰ প্ৰত্যাহ্বান জনাইছে Amazon Pay-এ। উল্লেখযোগ্য যে, এই প্ৰতিষ্ঠান সমূহে ডিজিটেল সোণৰ ভল্টৰ সেৱা বহু আগতেই আৰম্ভ কৰিছিল। 

সম্প্ৰতি লাইভ মিণ্টৰ খবৰ অনুসৰি,কোৰোণা ভাইৰাছৰ ফলত বলৱত্‍ হোৱা ল’কডাউনৰ ফলত অনলাইন পেমেণ্ট ফাৰ্মসমূহে লেনদেন বৃদ্ধি কৰিবলৈ ডিজিটেল গোল্ড অফাৰিঙত বিশেষ গুৰুত্ব দিছে। আনকি চীনৰ ‘<span lang="en">Xiaomi’ দৰে প্ৰতিষ্ঠানেও এম আই প্লেটফৰ্মত ডিজিটেল সোণৰ সেৱা আৰম্ভ কৰি দিছে। </span>

উল্লেখ্য যে, এখন ৰাষ্ট্ৰীয় সংবাদ পত্ৰৰ খবৰ অনুসৰি, পে টি এমে দাবী কৰিছে যে, তেওঁলোকে প্ৰায় ৩৭ কেজি ডিজিলেট সোণ বিক্ৰী কৰিছে। ফোন পেই দাবী কৰিছে যে, ২০২০ৰ প্ৰথম ভাগত তেওঁলোকে ১০০ কেজি ডিজিটেল সোণ বিক্ৰী কৰিছে।