Aditi Ashok In Tokyo Olympics: এটা শ্ব'টৰ বাবেই বঞ্চিত হ'ল পদক লাভৰ পৰা! অদিতি অশোকে তথাপিও জয় কৰিছে দেশবাসীৰ হৃদয়

গল্ফৰ বিশ্ব ৰেংকিঙত ২০০ তম স্থানত আছে  অদিতি অশোক। তাৰ পিছতো এইবাৰৰ অলিম্পিকত বিশ্বৰ বহু তাৰকা গল্ফাৰৰ বিৰুদ্ধে তেওঁ যুঁজ দিছিল। অদিতি অশোক আছিল দেশবাসীৰ বাবেও এক অপৰিচিত নাম। কিন্তু অলিম্পিকত আগবঢ়োৱা পদৰ্শনেৰে সকলোৰে মাজত চিনাকী হৈ পৰিছে অদিতি অশোক। তেওঁ মাত্ৰ এটা শ্ব'টৰ  বাবে পদক লাভৰ পৰা বঞ্চিত হ'ল। গল্ফৰ ব্যক্তিগত শাখাত চতুৰ্থ স্থানতে সন্তুষ্ট থাকিল খেলুৱৈগৰাকী।

দেশবাসীয়ে অদিতিৰ যুঁজাৰু মানসিকতাক অভিনন্দন জনাইছে। আনকি প্ৰধানমন্ত্ৰী নৰেন্দ্ৰ মোদীয়েও তেওঁৰ যুঁজৰ প্ৰশংসা কৰিছে। প্ৰথম তিনিটা ৰাউণ্ডৰ শেষত অদিতি দ্বিতীয় স্থানত আছিল। কিন্তু শেষত তেওঁ শীৰ্ষ তিনিটাত থাকিব নোৱাৰিলে।

অদিতি অশোকে চতুৰ্থ ৰাউণ্ডত ১৭ তম হোলত বাৰ্ডি মাৰিব লগা হৈছিল। কিন্তু তেওঁ ব্যৰ্থ হৈ পদক লাভৰ পৰা বঞ্চিত হয়। কিন্তু সমগ্ৰ দেশে ২৩ বছৰীয়া গল্ফাৰগৰাকীক অভিনন্দন জনাইছে।