মানসিক চাপ নে অন্য কিবা কাৰণ? কিয় আত্মহত্যাৰ পথ বাচি ল’লে হিন্দী সৰু পৰ্দাৰ জনপ্ৰিয় অভিনেত্ৰী ছেজল শৰ্মাই? শুকুৰবাৰে অভিনেত্ৰীগৰাকীৰ ফ্লেটত আৰক্ষীয়ে মৃতদেহ উদ্ধাৰ কৰাৰ পিছতে নিজাববীয়াকৈ ৰুজু কৰিছে গোচৰ। বহুতে কৈছে যে, দীৰ্ঘদিন ধৰি ছেজল শৰ্মা মানসিক চাপত ভূগি আছিল এগৰাকী সহ–অভিনেতাই জনাইছে যে, ১০ দিন আগতে তেওঁ ছেজলৰ সৈতে কথা পাতিছিল। কিন্তু সেই সময়ত অভিনেত্ৰীগৰাকীৰ কথা বতৰাত গম পোৱা নাছিল মানসিক চাপত থকাৰ কথা। অভিনেত্ৰীগৰাকীৰ বন্ধু নিৰ্ভয় শুক্লাৰ মতে,‘কিছুদিন ধৰি অভিনেত্ৰীগৰাকী মানসিক অশান্তিত ভূগি আছিল। ১৫ নৱেম্বৰৰ দিনা শেষ বাৰলৈ কথা পাতিছিল অভিনেত্ৰীগৰাকীৰ সৈতে।
