কেন্দ্ৰীয় চৰকাৰৰ কৰ্মচাৰী আৰু পেঞ্চনাৰসকলৰ বাবে ৩ শতাংশ DA আৰু DR বৃদ্ধিত অনুমোদন জনোৱাৰ পিছতে দৰমহা বৃদ্ধি পাব এইসকল কৰ্মচাৰীৰ। জানিব পৰা মতে বৰ্ধিত মুদ্ৰাস্ফীতিৰ বাবে, কেন্দ্ৰীয় চৰকাৰে ডিএ (DA Hike) বৃদ্ধি কৰাৰ সিদ্ধান্ত লৈছে। চৰকাৰৰ সিদ্ধান্তই ৪৭.১৪ লাখ কেন্দ্ৰীয় কৰ্মচাৰী আৰু ৬৮.৬২ লাখ পেঞ্চনাৰক (Pensioner) লাভান্বিত কৰিব। কেন্দ্ৰীয় চৰকাৰৰ কৰ্মচাৰীসকলৰ ডিএ অন্তিম বৃদ্ধিঅনুমোদিত হোৱাৰ পিছত ২৮ শতাংশলৈ বৃদ্ধি পাইছিল। সেয়েহে, ৩ শতাংশৰ নতুন বৃদ্ধিয়ে এতিয়া ডিএ ৩১ শতাংশ বৃদ্ধি কৰিব। আগৰ বছৰৰ তুলনাত মুঠ ডিএ ১১ শতাংশ বৃদ্ধি পাইছে। চৰকাৰে ২০২১ চনৰ জুলাইৰ পৰা ইয়াক ২৮ শতাংশলৈ বৃদ্ধি কৰিছে। এতিয়া ডিএ (১৭+৪+৩+৪+৩)ৰ সৈতে ৩১ শতাংশত উপনীত হ'ব। অৰ্থাৎ কৰ্মচাৰী এজনৰ মূল দৰমহা ৫০,০০০ টকা হ'লে তেওঁ ১৫,৫০০ টকা ডিএ পাব।
