বদোদৰাত বাস কৰা লোকসকলে এতিয়া বিমানত বহি পেট পুৰাই খোৱাৰ ইচ্ছা পূৰণ কৰিব পাৰিব। বিশ্বৰ নৱম বিমান ৰেষ্টুৰেণ্ট, ভাৰতৰ চতুৰ্থখন আৰু গুজৰাটত প্ৰথমখন ৰেষ্টুৰেণ্ট নিৰ্মাণ কৰা হৈছে বিমানত। বদোদৰা চহৰৰ ঘাইপথৰ ওচৰৰ মুখ্য পথত এখন ব্যক্তিগত ৰেষ্টুৰেণ্ট আৰম্ভ কৰা হৈছে। এয়া এখন বিমান অৰ্থাৎ এয়াৰ বাছ বিমানত নিৰ্মাণ কৰা হৈছে। গুজৰাটী ফাৰ্ষ্ট এয়াৰক্ৰাফ্ট ৰেষ্টুৰেণ্টৰ ভিতৰত ১০৬গৰাকী লোকে একেলগে বহি খাদ্য উপভোগ কৰিব পাৰে ইয়াত। ৱেইটাৰক ফোন কৰিবলৈ বিমানৰ দৰেই সকলো চেন্সৰ ভিতৰত স্থাপন কৰা হৈছে। লগতে এয়াৰ হোষ্টেছ কেবিন ক্ৰুৰ দৰে কাম কৰা কৰ্মচাৰী আছে। ই মানুহক বিমানবন্দৰত আৰু বিমানত বহি থকাৰ অভিজ্ঞতা প্ৰদান কৰিব। এই নিৰ্দিষ্ট ৰেষ্টুৰেণ্টখনত প্ৰৱেশ কৰা সকলো গ্ৰাহকক বিমানৰ টিকটৰ দৰেই বৰ্ডিং পাছ দিয়া হয়। কেৱল সেয়াই নহয়, সকলো সুবিধা ইয়াত বিমানৰ দৰেই উপলব্ধ। ১ কোটি টকাৰ অধিক ব্যয়েৰে নিৰ্মিত বিমান ৰেষ্টুৰেণ্টখন বদোদৰা চহৰত আকৰ্ষণৰ কেন্দ্ৰবিন্দু হৈ পৰিছে।
