অৱশেষত মাতৃভূমি আহি পালেহি মণিপুৰত শ্বহীদ হোৱা পাঠশালাৰ প্ৰণয় কলিতাৰ নশ্বৰ দেহ। এয়াৰ এছিয়াৰ বিশেষ বিমানেৰে মণিপুৰৰ পৰা বৰঝাৰ বিমান বন্দৰ লৈ অনা হয় প্ৰণয় কলিতাৰ নশ্বৰ দেহ। বিমান বন্দৰত আৰক্ষী আয়ুক্ত মুন্ন প্ৰসাদ গুপ্তা, CISF কামাণ্ডেণ্ট লালমোহন ঠাকুৰৰ লগতে বিমানবন্দৰ কৰ্তৃপক্ষ আৰু আৰক্ষীৰ লোকে শ্ৰদ্ধাঞ্জলী জ্ঞাপন কৰে। পিছত এম্বুলেন্সেৰে বীৰ শ্বহীদ গৰাকীৰ নশ্বৰদেহ নিজগৃহ পাঠশালালৈ লৈ যোৱা হয়। বিমানবন্দৰতে সামৰিক মৰ্যাদা দিয়া হয় শ্বহীদ গৰাকীক। উল্লেখ্য যে, মণিপুৰত বুধবাৰে নিশা অসম ৰাইফলছৰ জোৱানৰ ওপৰত উগ্ৰপন্থীয়ে চলাইছিল ভয়ংকৰ আক্ৰমণ। মণিপুৰৰ চণ্ডেলত ম্যানমাৰ বৰ্ডাৰৰ সমীপত অসম ৰাইফলছৰ জোৱানৰ ওপৰত এই আক্ৰমণৰ ঘটনা সংঘটিত হৈছিল। এম্বুছত শ্বহীদ হৈছিল ৩জনকৈ অসম ৰাইফলছৰ জোৱান। ইতিমধ্যে মণিপুৰৰ চান্দেলত সংঘটিত এই ভয়ংকৰ এম্বুছৰ দায়িত্ব স্বীকাৰ কৰিছে ইতিমধ্যে ULFA-Iয়ে । বিমানবন্দৰৰত সামৰিক মৰ্যাদা দিয়াৰ পিছতে শ্বহীদ জোৱানজনক পাঠশালালৈ নিয়া হয়।
