Mirabai Chanu : 'ৰূপ কন্যা' মিৰাবাই চানুৰ ট্ৰেডিচনেল লুক দেখি মুগ্ধ অনুৰাগী, ফটোত দেখা গৈছে অতি মৰমলগা

টকিঅ' অলিম্পিকত ভাৰতৰ হৈ প্ৰথমটো পদক জয় কৰিছিলমিৰাবাই চানুৱে। ভাৰোত্তলনৰ ৪৯ কিলোগ্ৰাম শাখাত ৰূপৰ পদক জয় কৰি দেশক গৌৰৱান্বিত কৰিলে। ইয়াৰ পিছতে সমগ্ৰ দেশতে মিৰাবাই চানু চৰ্চাৰ বিষয় হৈ পৰিছে। মণিপুৰৰ লগতে দেশৰ বিভিন্ন প্ৰান্তত মিৰাবইক সন্মান জনোৱা হৈছে। এতিয়া সমগ্ৰ দেশৰ মানুহেই মিৰাবাইৰ বিষয়ে জানিবলৈ আগ্ৰহী হৈ পৰিছে। এনে সময়তে মিৰাবাই চানুৱে ইনষ্টাগ্ৰামত শ্বেয়াৰ কৰিছে মণিপুৰীসকলৰ পৰম্পৰাগত সাজ পিন্ধি তোলা ফটো। (Mirabai Chanu/Instagram)

মিৰাবাই চানুৱে পৰম্পৰাগত পোছাকত শ্বেয়াৰ কৰা ফটোত তেওঁক খুউব সুন্দৰ আৰু সমাহিত দেখা গৈছে। ফটোখন শ্বেয়াৰ কৰি চানুৱে লিখিছে- "নিজৰ পৰম্পৰাগত পোছাকত মই সদায় সুখী হওঁ।" চানুৰ এই লুক অনুৰাগীসকলেও অতি পছন্দ কৰিছে। দেশলৈ গৌৰৱ কঢ়িয়াই অনা খেলুৱৈগৰাকীৰ এই পোষ্টত কমেণ্ট কৰিছে অসংখ্য লোকে।

মিৰাবাই চানুৱে টকিঅ' অলিম্পিকত মুঠ ২০২ কিলোগ্ৰাম ভাৰ উত্তোলন কৰি ৪৯ কেজি শাখাত ৰূপৰ পদক জয় কৰিছে। পদক জয় কৰি দেশলৈ উভতাৰ পিছত মিৰাবাইক দেশবাসীয়ে ব্যাপক আদৰণি জনায়। (Mirabai Chanu/Instagram)

২০০০ চনত চিডনী অলিম্পিকত ভাৰোত্তলনত কৰ্ণম মালেশ্বৰীয়ে ব্ৰঞ্জৰ পদক অৰ্জন কৰাৰ দুই দশক পিছত অলিম্পিকত ভাৰোত্তলনত পদক জয় কৰা মিৰাবাই চানু হৈছে দ্বিতীয়গৰাকী ভাৰতীয়। (Mirabai Chanu/Instagram)

মীৰাবাই চানুৱে অলপতে সেইসকল ট্ৰাক ড্ৰাইভাৰক কৃতজ্ঞতা জ্ঞাপন কৰিছিল, যি সকলে ট্ৰেইনিঙৰ সময়ত তেওঁক ট্ৰাকত অনা-নিয়া কৰিছিল। চানুৱে কেৱল ট্ৰাক চালকসকলক সন্মান জনাবলৈকে এই অনুষ্ঠানৰ আয়োজন কৰা নাছিল, তেওঁ প্ৰতিজন ট্ৰাক চালকৰে ভৰি চুই সেৱা জনাই আশীৰ্বাদো লৈছিল। (ফটো-Mirabai Chanu/Instagram)

মীৰাববাই চানুৰ জন্ম হৈছিল ৪ আগষ্ট ১৯৯৪ চনত ইম্ফলত। তেওঁ অলিম্পিকত মেডেল বিজেতা দ্বিতীয়গৰাকী ভাৰতীয় ভাৰোত্তোলক। চানুৱে ৰিঅ' অ'লিম্পিকতো ভাগ লৈছিল। ( ফটো-Mirabai Chanu/Instagram)