World Obesity Day 2022 : অতিৰিক্ত ওজন বৃদ্ধিৰ ফলত শৰীৰত বাহ বান্ধিব পাৰে বিভিন্ন ৰোগে, জানি লওক কি কি

ওজন বৃদ্ধিৰ ফলত শৰীৰত একাধিক ৰোগে আক্ৰমণ কৰিব পাৰে। শৰীৰত কলেষ্টেৰল বাঢ়িলে ওজন বৃদ্ধি হয়। আৰু তাৰ পিছতে সৃষ্টি হয় একাধিক সমস্যা। বিশেষসকলক মতে, কলেষ্টেৰল বৃদ্ধিৰ ফলত হাওঁফাওঁ, হৃদৰোগসহ একাধিক সমস্যা হ’ব পাৰে। তাৰ লগতে ব্ৰেষ্ট কেঞ্চাৰো হ’ব পাৰে। কাৰণ শৰীৰত বেছি ফেট থাকিলে শৰীৰৰ পৰা বেছি এষ্ট্ৰোজন হৰমন তৈয়াৰ হয়। যাৰ ফলত কেঞ্চাৰ কোষৰ বৃদ্ধি হ’ব পাৰে। ইনচুলিনৰ মাত্ৰা অতিৰিক্ত পৰিমাণে বাঢ়ি গ’লেও অবেচিটি দেখা দিব পাৰে। সেয়ে বিশেষজ্ঞসকলে ভাবে, স্বাভাৱিকতকৈ যদি কাৰোবাৰ ওজন বেছি থাকে তেন্তে ওজন কমোৱা প্ৰয়োজন। শৰীৰত যিমানেই কম ফেট থাকিব সিমানেই ভালে থাকিব।

শৰীৰত ওজন বৃদ্ধি পালে বাহ ল’ব পাৰে নানা ধৰণৰ ৰোগে। উচ্চ ৰক্তচাপে যিকোনো মানুহৰে হ’ব পাৰে। কিন্তু ওজন বাঢ়িলে ৰক্তনলীত অতিৰিক্ত চৰ্বি জমাৰ সম্ভাৱনা থাকে। উচ্চ ৰক্তচাপে কিডনী, চকুৰ ক্ষতি কৰিব পাৰে, ডিমেনছিয়া আৰু হাৰ্ট এটাকো হ’ব পাৰে।

স্থুলতা হৃৎপিণ্ড আৰু ৰক্তনলীৰ ৰোগৰ অন্যতম প্ৰধান কাৰণ। ইয়াৰ ফলত হৃদৰোগ আৰু ষ্ট্ৰোকৰ সম্ভাৱনা বাঢ়ে। ওজন বঢ়াৰ ফলত ডায়েবেটিছ দেখা যায়। যিয়ে কিডনী, চকু, ভৰি, কাণ আৰু হৃদযন্ত্ৰক ধ্বংস কৰে।

শৰীৰৰ অতিৰিক্ত ওজনৰ ফলত হিপ, আঁঠু আৰু গোৰোহাৰ গাঁঠিসমূহত চাপ পৰে। লিগামেণ্টসমূহ দুৰ্বল হয়। টোপনিৰ সময়ত আমাৰ মুখ আৰু ডিঙিৰ নৰম টিছ্যু শিথিল হৈ পৰে আৰু শ্বাস–প্ৰশ্বাস সাময়িকভাৱে বন্ধ হৈ যায়।