White Rice : ভাত খাব, কিন্তু ওজনো নাবাঢ়িব! এয়াও কি সম্ভৱ? ভাতো খাওক, ওজনো কমাওক, কেনেকৈ

কোনোবাই খীণোৱাৰ (Weight Loss) কথা ভাবিলেই প্ৰথম আক্ৰমণটো পৰে ভাত (Rice)ৰ ওপৰতেই। আমাৰ সকলোৰে এটা বদ্ধমূল ধাৰণা আছে যে ভাত বেছি খালে ওজন বাঢ়ে।

কিন্তু আধুনিক পুষ্টি বিজ্ঞান বা ডায়েট চায়েন্সে কয় যে ভাত খায়ো ওজন নিয়ন্ত্ৰণত (Weight Control) ৰাখিব পাৰি। যদিহে কিছুমান নিয়ম পালন কৰা হয় আৰু সাৱধান হোৱা যায।

ডায়েট বা খাদ্যত ভাত ৰাখক পৰিমিত পৰিমাণত। মনত ৰাখিব, ভাতৰ সৈতে শৰ্কৰাজাতীয় অন্য খাদ্য, যেনে মিঠাই আদি ভুলতো নাখাব।

ৰন্ধাৰ আগতে চাউল ভালদৰে ধুই ল'ব। ধোৱাৰ পিছত যথেষ্ট সময় তিয়াই ৰাখিব। ভাত মানে কেৱল শুদা ভাত, স্পেচিয়েল ডিছ বনাবলৈ গৈ ভাতৰ সৈতে ঘীউ বা মছলা দি অতিৰিক্ত কেলৰী যোগ কৰি নল'ব।

শুদ্ধ ভাত হজমৰ সহায়ক হয় ৷ যিসকলৰ হজমশক্তি দুৰ্বল তেওঁলোকে শুদা ভাত খোৱাই উত্তম। ভিটামিন-বি আৰু মেগনেছিয়াম সমৃদ্ধ ভাতে মেটাবলিজম বঢ়োৱাত সহায় কৰে।

ভাতৰ সৈতে দৈনিক ডায়েটত অবশ্যেই প্রচুৰ পৰিমাণে সেউজীয়া শাক-পাচলি ৰখা উচিত। তৰকাৰী ৰন্ধাৰ সময়ত তেল-মছলা শৰীৰত জমা হোোৱাৰ আশংকা থাকি যায়। সেয়ে ভাল হয় যদি ছালাদ খোৱা হয়।