Weight Loss Tips: আপুনি শৰীৰৰ ওজন হ্ৰাস কৰিব বিচাৰে নেকি ? এনেকৈ আপুনি সহজে হ্ৰাস কৰিব পাৰে শৰীৰৰ ওজন...

ওজন হ্ৰাস কৰিব সকলোৱে বিচাৰে। কিন্তু কঠোৰ শাৰিৰীক পৰিশ্ৰম আৰু দীঘলীয়া সময়ৰ বাবে ৰুচিহীন খাদ্যভাস কৰাৰ ভয়তে বহুলোকে মেদবহুলতাক লৈয়ে জীয়াই থাকিবলৈ বাধ্য হয়। কিন্তু জীৱনশৈলীত পৰিৱৰ্তনৰ জৰিয়তে আপুনিও মেদবহুলতাৰ পৰা মুক্তি লাভ কৰিব পাৰে।

২০১৯ চনত আমেৰিকান জাৰ্নেল অফ লাইফষ্টাইল মেডিচিনত প্ৰকাশিত এক অধ্যয়নত পৰামৰ্শ দিয়া হৈছে যে এক স্বাস্থ্যকৰ জীৱনশৈলী গ্ৰহণ কৰি আপুনি ওজন বৃদ্ধি আৰু মেদবহুলতাৰ সমস্যাটোৰ পৰা হাত সাৰিব পাৰে। আজি আমি আপোনাক ওজন হ্ৰাস কৰাৰ প্ৰায় ৬ টা সহজ অভ্যাসৰ বিষয়ে উল্লেখ কৰিম। আপুনি ৰাতিপুৱা উঠি এই অভ্যাসবোৰ মানি চলিলে শীঘ্ৰেই সুফল লাভ কৰিব পাৰে।

গৰম পানী খাওক: মেদবহুলতাৰ সমস্যাৰ পৰা মুক্তি লাভ কৰিবলৈ আপুনি ৰাতিপুৱা দুগিলাচ গৰম পানী খাওক। গৰম পানীয়ে আপোনাৰ শৰীৰৰ চৰ্বি নষ্ট কৰাত সহায় কৰে। আপুনি নেমুৰ ৰস আৰু মৌ মিহলায়ো গৰম পানী খাব পাৰে। কিন্তু বহুমূত্ৰ ৰোগত আক্ৰান্ত ব্যক্তি সকলে মৌ ব্যৱহাৰ কৰিব নালাগে।

মাত্ৰ ২০মিনিট পাতল ব্যায়াম কৰক: যোগাসনে মানুহক সুস্বাস্থ্যকৰ জীৱন উপহাৰ দিয়ে। কিন্তু আপুনি যদি যোগাসন কৰিব নোৱাৰে তেনেহ'লে আপুনি সহজে কৰিব পৰা যিকোনো ব্যায়াম মাত্ৰ ২০মিনিটৰ বাবে নিতৌ কৰক। ই আপোনাৰ মেদবহুলতাক নাশ কৰিব। Image Credit : shutterstock

পুৱাৰ ৰ'দত সময় পাৰ কৰক: পুৱাৰ কুমলীয়া ৰ'দে শৰীৰক ভিটামিন ডিৰ যোগান ধৰে। ভিটামিন ডিয়ে শৰীৰৰ মেদবহুলতা নাশ কৰাত সহায় কৰে। সেয়ে যিমান সময় পাৰে সোনকালে উঠি পুৱাৰ ৰ'দ গ্ৰহণ কৰক।  Image Credit : shutterstock

শীতল পানীৰে পুৱা স্নান কৰক: ৰাতিপুৱা ঠাণ্ডা পানীৰে গা-ধোৱাটো বহুতৰে বাবে সুখদায়ক নহয়। কিন্তু কাহিলী পুৱাতে শীতল পানীৰে স্নান কৰিলে আপোনাৰ শৰীৰৰ চৰ্বি ক্ষয় যায়। সেয়ে শীতল পানীৰে সোনকালে গা-ধোৱাৰ অভ্যাস কৰক।

পুৱাৰ আহাৰ ভালদৰে খাওক: ওজন কমাবৰ বাবে ৰাতিপুৱাৰ আহাৰ গধুৰকৈ খাওক আৰু পিছবেলালৈ পাতল আহাৰ গ্ৰহণ কৰক। ৰাতিপুৱাৰ আহাৰত ফলমূল, গাখীৰ, কণী অথবা দিনৰ অন্তত ১বজাৰ আগত মাছ-মাংস খাওক। কিন্তু নিশাৰ ভাগত একেবাৰে সাধাৰণ আহাৰ গ্ৰহণ কৰক। ফল-মূল বেছিকৈ খাওক।

বাহিৰত খোৱাৰ অভ্যাস বাদ দিয়ক:  হোটেল-ৰেষ্টুৰা আদিত খাদ্য সোৱাদ যুক্ত কৰিবলৈ অধিক হাৰত তেল-মচলাৰ ব্যৱহাৰ কৰে। সেয়ে আপুনি ভালপোৱা আহাৰ ঘৰতে বনাই খাওক। ফাষ্টফুড একেবাৰে পৰিত্যাগ কৰক।