Urinary Tract Infection: ইউৰিন ইনফেকচনত ভুগি আছে নেকি আপুনি? এইসমূহ ঘৰুৱা প্ৰতিকাৰৰ দ্বাৰা শীঘ্ৰেই আৰোগ্য হ'ব।

মানুহৰ ৰেচনতন্ত্ৰত বা মূত্রতন্ত্রত কোনো জীৱাণুৰ সংক্ৰমণ হ'লে তাকেই ইউৰিনেৰী ট্ৰেক্ট ইনফেকচন বুলি কোৱা হয়। কিডনী, মূত্রনলী, মূত্রথলি বা একাধিক অংশত একেলগে ইনফেকচন হ'ব পাৰে। পুৰুষ আৰু মহিলা উভয়েই এই ইনফেকচনত আক্ৰান্ত হোৱাৰ সম্ভাৱনা থাকে যদিও মহিলাৰ ক্ষেত্ৰত সাধাৰণতে এই ৰোগ বেছি হয়।

ইউৰিন ইনফেকচনৰ প্রাথমিক লক্ষণৰ ভিতৰত আছে প্রস্রাৱ গাঢ় হালধীয়া বা ৰঙা হোৱা, প্রস্রাৱৰ দুর্গন্ধ।<br /> অলপ সময়ৰ মূৰে মূৰে প্ৰস্ৰাৱ কৰা লাগিলেও ভালকৈ প্ৰস্ৰাৱ নোহোৱা। প্ৰস্ৰাৱ কৰাৰ সময়ত জ্বলা-পোৰা কৰা নাইইবা বিষ অনুভৱ কৰা। তলপেট নাইবা পিঠিৰ তলৰপিনে প্ৰচণ্ড বিষ হোৱা। প্ৰতিমুহূৰ্তত জ্বৰ জ্বৰ ভাৱ এটা থকা নাইবা মাজে মাজে কঁপনি অহা আৰু শৰীৰৰ তাপমাত্ৰা বাঢ়ি যোৱা আদি ইউৰিন ইনফেকচন বা প্ৰস্ৰাৱ সংক্ৰমণৰ লক্ষণ। এনে হ'লে লগে লগে চিকিৎসকৰ পৰামৰ্শ লোৱা উচিত।

ইউৰিন ইনফেকচন হ'লে বা তেনে কিবা লক্ষণ দেখা দিলে তাৰ প্ৰথম আৰু প্ৰধান প্ৰতিকাৰ হ'ল পানী খোৱা। দৈনিক আঢ়ৈ লিটাৰমান পানী খাব লাগে।

ইউৰিন ইনফেকচন হ'লে প্রতিদিনে ৫০০০ মিলিগ্রাম ভিটামিন চি খোৱাৰ পৰামর্শ দিয়ে চিকিৎসকে। এইক্ষেত্রত ভিটামিন চি ঔষধৰ লগে লগে ভিটামিন-চি সমৃদ্ধ খাদ্য খাব লাগে। ভিটামিন চিয়ে মুত্রথলি ভালে ৰখাত সহায় কৰে। প্রস্রাৱৰ জ্ৱলা-পোৰা কম কৰাতো সহায় কৰে। ইয়াৰোপৰি ভিটামিন চিয়ে নানাধৰণৰ বেক্টেৰিয়া ধ্বংস কৰে।

ইউৰিন ইনফেকচন হ'লে প্রতিদিনে এক কাপকৈ আনাৰসৰ ৰস খাওক। আনাৰসত আছে ব্রোমেলাইন নামৰ এটি এনজাইম যি ইউৰিন ইনফেকচনত কার্যকৰী।

<br /> বেকিং ছোডা ইউৰিন ইনফেকচনৰ বাবে উপকাৰী। আধা চামুচ বেকিং পাউডাৰ এক গিলাচ পানীৰ সৈতে দিনত এবাৰকৈ খালে প্রস্রাৱৰ জ্ৱলা-পোৰা বা বিষ কম হয়।