World Obesity Day 2022: ওজন কমাব বিচাৰিছে নেকি? খাদ্য তালিকাত ৰাখক এইবোৰ

শৰীৰৰ ওজন বৃদ্ধি পালে নানা ৰোগে দেখা দিয়াৰ সম্ভাৱনা থাকে উচ্চ ৰক্তচাপ যিকোনো মানুহৰ হ’ব পাৰে। ওজন বাঢ়িলে ৰক্তনলীত অতিৰিক্ত চৰ্বি জমা হোৱাৰ সম্ভাৱনা থাকে। উচ্চ ৰক্তচাপে কিডনী, চকুৰ ক্ষতি কৰিব পাৰে, ডিমেনছিয়া আৰু হাৰ্ট একাকো হ’ব পাৰে। হৃদৰোগ আৰু ষ্ট্ৰোকৰ সম্ভাৱনা বৃদ্ধি পায়। ওজন বৃদ্ধিৰ ফলত ডায়েবেটিছে দেখা দিয়ে।

ওজন কমোৱাৰ বাবে প্ৰয়োজন সঠিক ডায়েট আৰু ৱৰ্কআউট ৰুটিন। সময়ৰ ভিতৰত ওজন কম কৰাব বিচাৰিলে বহু পছন্দৰ খাদ্য এৰি দিব লাগিব। কাৰণ সেইসমূহে ওজন বৃদ্ধি কৰিব পাৰে। তাৰ সলনি এনে কিছু খাদ্য বাচি ল’ব লাগিব, যিবোৰ খাবলৈও ভাল আৰু ওজনো নবঢ়ায়। জানি লওক কি কি খাদ্য আপোনাৰ ডায়েটত অন্তৰ্ভুক্ত কৰিলে ওজন হ্ৰাস পোৱাৰ সম্ভাৱনা আছে।

প্ৰথমেই আহে কণী। কণীত উচ্চ প্ৰটিন আছে, পুৱাৰ বাবে আধৰ্শ। ই ওজন কমোৱাত সহায় কৰে। ওটছ, ব্ৰাউন ৰাইচ ইত্যাদি আপোনাৰ খাদ্য তালিকাত ৰাখক। ইয়াত ফাইবাৰ থাকে যিয়ে ওজনৰ ভাৰসাম্য বজাই ৰাখে।

মটৰ গুটি প্ৰটিনৰ খুব ভাল উপাদান। ইয়াত ফাইবাৰ বেছি। গৱেষণাত দেখা গৈছে, বাদাম, চিনাবাদাম, আখৰোটে ওজন কমোৱাত সহায় কৰে।

সেউজীয়া শাক–পাচলি খোৱা স্বাস্থ্যৰ পক্ষে অতি উত্তম। ব্ৰকলি, ফুলকবিৰ দৰে পাচলিত ফাইবাৰ বেছি থাকে।

দৈ আৰু গ্ৰীন টিয়ে অতিৰিক্ত চৰ্বি কমায়। সেয়ে খাদ্য তালিকাত এইসমূহ থাকিলে কথাই নাই।