আশংকা! বিজ্ঞানীয়ে কৈছে, প্ৰথম ভেকচিনৰ ব্যৱহাৰত হ্ৰাস নাপাই কোৰোণাৰ সন্ত্ৰাস, সলনি হ’ব লক্ষণ

কোৰোণা ভাইৰাছৰ সন্ত্ৰাস এতিয়াও সমগ্ৰ বিশ্বতে অব্যাহত আছে। বিশ্বৰ বিভিন্ন  প্ৰান্তত কোৰোণাৰ ভেকচিন আবিষ্কাৰৰ বাবে দিন ৰাতি একাকাৰ কৰিছে চিকিত্‍সা বিজ্ঞানীসকলে। কিন্তু ভেকচিন কেতিয়া বজাৰলৈ আহিব, সেই কথা এতিয়াও পৰিষ্কাৰ হোৱা নাই। তাৰ মাজতে এতিয়া কোৰোণাৰ ভেকচিনকলৈ আশংকা কৰিছে বিজ্ঞানীয়ে। ভেকচিন আহিলেও প্ৰকোপ নকমে কোৰোণাৰ। প্ৰথমবাৰৰ ভেকচিনে শেষ কৰিব নোৱাৰে কোৰোণা ভাইৰাছ।

কি ক’লে বিজ্ঞানীয়ে? তেওঁলোকৰ মতে, প্ৰথম ভাগত কোৰোণাৰ ভেকচিনে ৰোগমুক্ত কৰিব বুলি ভাবিলে ভুল হ’ব। আনকি ভেকচিনে কোৰোণাৰ লক্ষণ হ্ৰাস কৰিব বুলি মন্তব্য কৰিছে বিজ্ঞানীয়ে। টাইমছৰ মেগাজিনৰ এটা প্ৰতিবেদনত কোৱা হৈছে যে, কোৰোণা ভেকচিনে মানুহক সম্পূৰ্ণ স্বাভাৱিক জীৱন ঘূৰাই দিয়াত সফল নহ’ব।

অক্সফোৰ্ডৰ বিজ্ঞানী, যিসকলে ভেকচিন প্ৰস্তুত কৰিছে, তেওঁলোকে ঠিক কৰিছে যে, এজন মানুহক কোৰোণাৰ পৰা যাতে ৫০ শতাংশ মুক্ত কৰিব পৰা যায়, সেই ক্ষমতাৰ ভেকচিন প্ৰস্তুত কৰা হৈছে। তেওঁলোকৰ মতে, ৫০ শতাংশ লক্ষণ হ্ৰাস পালেও মানৱ জাতিৰ বাবে হ’ব বৃহত্‍ সকাহ।  প্ৰথম অৱস্থাত সম্পূৰ্ণ সফলতা লাভ নকৰিলেও পাব আংশিক সফলতা।

গৱেষণাৰ প্ৰধান বিজ্ঞানী চাৰ পেট্ৰিক ভালঞ্চে জনাইছে যে, এই ভেকচিন যাৰ শৰীৰত দিয়া হৈছে, তেওঁলোকৰ শৰীৰত কোৰোণাৰ এণ্টিবডি তৈয়াৰ হৈছে। আশা কৰা হৈছে যে, অহা বছৰৰ আৰম্ভণিতে কোৰোণাৰ ভেকচিন সাধাৰণ মানুহৰ বাবে উপলব্ধ হ’ব।

সেই কাৰণেই বিজ্ঞানী সকলে কৈছে যে, সামাজিক দূৰত্বৰ পৰা আৰম্ভ কৰি যিখিনি কোৰোণা প্ৰতিৰোধৰ নিয়ম-নীতি আছে, সেইখিনি সকলোৱে মানি চলিব লাগে। ভেকচিন আহিলেও সেই নিয়ম খিনি মানি চলিব লাগিব।