Piles: পাইলছৰ সমস্যাত ভুগি আছে নেকি? উপশমৰ বাবে আছে সহজ উপায়, কি কৰিব লাগে, কি কৰিব নালাগে জানোঁ আহক

অৰ্শ ৰোগৰ ডাক্টৰী নাম হৈছে হেমোৰইড (hemorrhoids) আৰু পোছাকি নাম হ'ল পাইলচ। ই এবিধ অতি বেদনাদায়ক ৰোগ। এই ৰোগত, মলদ্বাৰৰ পৰা সৰু মাংসৰ পিণ্ড ওলাই আহে যাৰ ফলত মলদ্বাৰৰ পৰা ৰক্তক্ষৰণ হয় , ৰোগীয়ে তীব্ৰ বিষ আৰু কষ্ট সহ্য কৰিব লগা হয়। হেমোৰইড হৈছে বংশানুক্ৰমিক ৰোগ, যদি পৰিয়ালৰ কাৰোবাৰ হেমোৰইড থাকে, আনসকলৰ এই ৰোগ হোৱাৰ আশংকা বাকীবোৰতকৈ বেছি হয়। যিসকল লোকৰ অধিক ওজন বৃদ্ধি হয় তেনেলোকৰ ক্ষেত্ৰতো এই সমস্যাটো সচৰাচৰ অধিক হয়। হেমোৰইডৰ সৈতে কেনেদৰে মোকাবিলা কৰিব লাগে, কি কৰিব লাগে আৰু কি কৰিব নালাগে জানো আহক-

ভজা খাদ্য, অত্যধিক তেলেতীয়া মচলাযুক্ত খাদ্য, ময়দা যুক্ত খাদ্য নাখাব।

শৌচাগাৰত গৈ বহুত সময় কুমুদত বহি নাথাকিব! যদি আপুনি অত্যধিক চাপ দিয়ে, পাইলছৰ সমস্যা বৃদ্ধি হয়। <br /> যদি কোষ্ঠকাঠিন্যৰ সমস্যা হয়, প্ৰথমেই ইয়াক ঠিক কৰিবলৈ চেষ্টা কৰক।

আঁহ সমৃদ্ধ ফল যেনে কল, মধুৰিআম, নেমু, আম, জাম দিনত ৩-৪বাৰ খালে অতি ভাল।

বতৰৰ পাচলি যেনে পালেং শাক, বাদাম, কোমোৰা, ৰঙালাও, জাতিলাও, পটল খাব লাগে আৰু বাকলিৰসৈতে খাব লাগে। পাইলছত এটা অতি উপযোগী পাচলি হৈছে বাকলিৰ সৈতে তিয়ঁহ।

দিনে ৩-৩.৫ লিটাৰ পানী খাব। আপোনাৰ দৈনিক আহাৰত কমেও পাঁচ প্ৰকাৰৰ পাচলি ৰাখিব।

গধুৰ বস্তু নাদাঙিব বা কঢ়িয়াই নুফুৰিব

ধূমপান আৰু সুৰাপানৰ অভ্যাস ত্যাগ কৰক। কাবাবৰ দৰে জিলিকি থকা মাংস নাখাব

নিয়মীয়াকৈ ব্যায়াম কৰি আপোনাৰ ওজন নিয়ন্ত্ৰণত ৰাখিব। ওজন বৃদ্ধি হোৱাৰ লগে লগে পাইলছৰ আশংকা বৃদ্ধি হয়।