Oil Less Diet: আপোনাৰ খাদ্য সম্পূর্ণ তেলহীন নেকি? অজানিতেই ক্ষতি কৰিছে স্বাস্থ্যৰ, জানক কোনবিধ খোৱাতেল বিপদমুক্ত

উচ্চ ৰক্তচাপ বা হৃদৰোগৰ দৰে সমস্যাৰ বাবে বহুলোকে আহাৰৰ পৰা তেল (Oil Less Diet) সম্পূৰ্ণৰূপে বাদ দিয়ে। কিন্তু শৰীৰৰ বাবে শেষত ইয়াৰ ফলাফল বেয়াহে হোৱা দেখা যায়। চিকিৎসক আৰু বিশেষজ্ঞসকলেও এই বিষয়ে সতৰ্ক কৰে।

চিকিৎসকলৰ মতে শৰীৰৰ বাবে এক নিৰ্দিষ্ট পৰিমাণৰ চৰ্বিৰ প্ৰয়োজন হয় (Oil for health)। মস্তিষ্ক, নিউৰন প্ৰণালী, স্নায়ুতন্ত্ৰকে ধৰি একাধিক শাৰীৰিক কাৰ্যৰ আঁৰৰ শক্তি হৈছে স্নেহজাতীয় পদাৰ্থ। সেয়েহে চিকিৎসকসকলে কয় যে আহাৰৰ পৰা চৰ্বি সম্পূৰ্ণৰূপে বাদ দিলে বিপদহে হ'ব পাৰে। আমাৰ সহজে ভাগৰ লাগিব আৰু আমি অসুস্থ অনুভৱ কৰিম।

চিকিৎসকে যিটো চৰ্বি আহাৰৰ পৰা বাদ দিবলৈ পৰামৰ্শ দিয়ে সেইটো হৈছে ট্ৰেন্স ফেট (Trans Fat)। ষ্ট্ৰীট ফুড গৰম কৰি সঘনাই পৰিৱেশন কৰা হয়। ই ট্ৰেন্স ফেটৰ অন্যতম বাহক।

চিকিৎসকসকলে পেকেটত থকা কেক, কুকিজ অধিক খাবলৈ নিষেধ কৰাৰ কাৰণ হৈছে ইয়াৰ ফলত শৰীৰত ট্ৰেন্স ফেট জমা হোৱাৰ প্ৰৱণতা বৃদ্ধি পায়।

চিকিৎসকৰ মতে ঘৰতেই ভাল মানৰ খোৱা তেলেৰে বা ঘীউৰে ৰন্ধা খাদ্য গ্ৰহণ কৰিব লাগে। প্ৰাপ্তবয়স্ক এজন লোকে দৈনিক ২ৰ পৰা ৩ চাহ চামুচ তেল বা ঘীউ খাব পাৰে বুলি চিকিৎসকে কয়। চিকিৎসকসকলে সৰিয়হ তেল বা জলফাই তেল ব্যৱহাৰ কৰাৰ পৰামৰ্শ দিয়ে।

চিকিৎসকৰ মতে যিকোনো ব্যক্তিয়ে পৰিমিত পৰিমাণে সৰিয়হৰ তেল খাব পাৰে। আনকি ঘৰত বনোৱা ঘীউও ট্ৰেন্স ফেট যুক্ত তেল বা ডালডাৰ সলনি ব্যৱহাৰ কৰিব পাৰে।

আজিকালি ফুড ডায়েট অতি জনপ্ৰিয় হৈ পৰিছে। কিন্তু চিকিৎসকসকলৰ মত এই যে ইয়াৰ ফলত সাময়িকভাৱে ওজন হ্ৰাস হ'ব পাৰে কিন্তু শৰীৰৰ বাবে প্ৰকৃততে ই ভাল নহয়। সেয়েহে, চিকিৎসকে আপোনাক ট্ৰেন্স চৰ্বি মুক্ত তেলত ঘৰত বনোৱা খাদ্য গ্ৰহণ কৰিবলৈ পৰামৰ্শ দিয়ে।