Knowledge: আমাৰ সমাজৰ এই প্ৰাচীন পাচলিত লুকাই থাকে 'অমৰত্বৰ বীজ', সৌন্দৰ্যৰ পৰা সুস্বাস্থ্যলৈ সকলোখিনি আছে ইয়াত

মাছৰুম অসমীয়া সমাজত লাহে লাহে জনপ্ৰিয় হৈ উঠা আহাৰ। বহু ঠাইত বনৰীয়া মাছৰুম ভক্ষণ কৰা হয় যদিও ইয়াক চিনাক্ত কৰাত ব্যৰ্থ হ'লে প্ৰাণৰ সংশয় আহিব পাৰে। সেয়ে আজিকালি ব্যৱসায়িক কাৰণত উত্‍পাদন কৰা মাছৰুমৰ জনপ্ৰিয়তা বৃদ্ধি পাইছে। আৰু এই মাছৰুমেই আহাৰ ৰূপে গ্ৰহণ কৰা উচিত। মাছৰুম এবিধ প্ৰাচীন পাচলি। গৱেষকসকলে কয়, এই মাছৰুমত ‘অমৰত্বৰ বীজ’ আছে। মাছৰুমত এনে সকলো উপাদান থাকে যিয়ে আপোনাক বছৰ বছৰ ধৰি সতেজ কৰি ৰাখিব পাৰে। ৫০ বছৰ বয়সতো ২০ বছৰীয়া যেন লাগিব! আনকি, প্ৰসাধন সামগ্ৰীৰ জগতখনত এন্টি এজিং সামগ্ৰীত ব্যৱহাৰ কৰা অন্যতম উপাদান হ’ল ‘মাছৰুম’।

মাছৰুমত বিটা গ্লুকেন নামৰ একপ্ৰকাৰৰ দ্ৰৱণীয় আঁহ থাকে। বিটা গ্লুকেনে কলেষ্টেৰল কমায়, হৃদযন্ত্ৰ আৰু ছাল সুস্থ কৰি ৰাখে।

আন দুবিধ মাছৰুম হ’ল ‘ৰেইছি’ আৰু ‘চাগা’। চাগা মাছৰুমক অমৰত্বৰ গুণেৰে সমৃদ্ধ বুলিও কোৱা হয়। এই মাছৰুম মূলতঃ জাপান, কোৰিয়া আৰু চীনত পোৱা যায়। আমেৰিকাত ইয়াৰ মূল্য অতিশয় বেছি। ছালখন আৰ্দ্ৰ কৰি ৰাখে, শুকান নহয়। স্বাভাৱিকতে এই মাছৰুম খালে ছালত বলিৰেখা নাথাকে। আপুনি বহুত সৰু দেখা যাব পাৰে।

মাছৰুমত চেলেনিয়াম নামৰ এন্টিঅক্সিডেন্ট থাকে যিয়ে শৰীৰক ‘ফ্ৰী ৰেডিকেল’ৰ ক্ষতিকাৰক প্ৰভাৱৰ পৰা ৰক্ষা কৰে। এই ফ্ৰী ৰেডিকেলবোৰে হৃদৰোগ আৰু কেন্সাৰ হোৱাৰ সম্ভাৱনা বৃদ্ধি কৰে। তদুপৰি এন্টি-অক্সিডেন্টেও শৰীৰক বয়সৰ লগত জড়িত ক্ষতিৰ পৰা ৰক্ষা কৰে আৰু ৰোগ প্ৰতিৰোধ ক্ষমতা বৃদ্ধি কৰে।

মাছৰুম বি ভিটামিনযুক্ত। ইয়াত ৰাইবোফ্লেভিন, নিয়াচিন আৰু পেণ্টোথেনিক এচিড থাকে। এই উপাদানবোৰে হৃদযন্ত্ৰ সজীৱ ৰাখে। ৰাইব’ফ্লেভিনে আৰ বি চিৰ স্বাস্থ্য বজাই ৰাখে। নিয়াচিনে পাচনতন্ত্ৰ সুস্থ কৰি ৰাখে আৰু ছালখন সুস্থ কৰি তোলে।

সামগ্ৰিকভাৱে স্বাস্থ্য বজাই ৰখাত মাছৰুমে গুৰুত্বপূৰ্ণ ভূমিকা পালন কৰে। মাছৰুম কেৱল আপোনাৰ শৰীৰেই নহয়, আপোনাৰ ছালখনকো সতেজ আৰু যৌৱনময় কৰি ৰাখে। সেয়ে কোৱা হয় যে 'অমৰত্বৰ বীজ' মাছৰুমত লুকাই আছে!