How to shed weight fast: বৰ্ধিত ওজন দ্ৰুতগতিত কমাবলৈ কেইটামান সহজ উপায়

ওজন কমোৱাৰ বাবে আমাৰ চেষ্টাৰ ত্ৰুটি নাথাকে। সঠিক খাদ্যাভাস ওজন কমোৱাৰ মূল অস্ত্ৰ। কিন্তু সঠিক বুলিলে কম খোৱা নুবুজায়। বৰং, খাব লাগিব সঠিক নিয়মত। আহক জানি লওঁ দৈনন্দিত কি কি নিয়মত মেদমুক্তি ঘটে।

দিনটোৰ আৰম্ভণি কৰক গৰম পানী সেৱনেৰে। পানীৰ সৈতে মৌ বা নেমুৰ ৰস মিহলোৱা বাধ্যতামূলক নহয়। এই গৰম পানীয়ে আপোনাৰ শৰীৰৰ মেটাবলিজমৰ হাৰ বৃদ্ধি কৰিব বহুখিনি।

অলপ অলপকৈ খাওক, বাৰে বাৰে খাওক। প্ৰয়োজনত সৰু প্লেটত খাওক। তেতিয়া খোৱাৰ পৰিমাণ ঠিকে থাকিব।

ডায়েটত যাতে প্ৰচূৰ পৰিমাণে প্ৰ’টিন আৰু ফাইবাৰসমৃদ্ধ খাদ্য থাকে, সেয়া নিশ্চিত কৰক। প্ৰ’টিনৰ বাবে ডায়েটত ৰাখক চিকেন, কণী, দাইল, তৈলযুক্ত মাছ, ওটছ আদি।

সূৰ্যাস্তৰ পিছত নিমখ খোৱা কমাই দিয়ক। সন্ধিয়া নিমখ বেছি খালে শৰীৰৰ জলধাৰণ ক্ষমতা বাঢ়ি যায় বহুখিনি।

একেবাৰে বেছি নাখাব। গোটেই দিনটো অলপ অলপ পৰিমাণে খাই থাকক। সক্ৰিয় হৈ থাকিব মেটাবলিজমো।

ষ্ট্ৰেচৰ পৰা দূৰত থাকক। উদ্বেগৰ সময়ত শৰীৰত ষ্ট্ৰেচ হৰমন অধিক ক্ষৰণ হয়। ফলত আপোনাৰ পেটত বৰ্ধিত মেদ যোগ হয়।

টোপনিৰ সময় যাতে নকমে। পৰ্যাপ্ত টোপনি নহ’লে শৰীৰত কোৰ্টিছোল হৰমন বেছি ক্ষৰণ হয়। ফলত শৰীৰত অবাঞ্চিত মেদ জমা হয়।