Honey with warm water : দিনটোৰ আৰম্ভণিতে গৰম পানীত মৌ মিহলাই খায় নেকি? উপকাৰৰ সলনি হ’ব পাৰে অপকাৰো!

কোৱা হয় যে পুৱাই খালী পেটত কুহমীয়া গৰম পানীত নেমুৰ ৰস আৰু মৌ মিহলাই খালে একাধিক শাৰীৰিক সমস্যা দূৰ হয়। বৰ্ধিত ওজন, হজম প্ৰক্ৰিয়া ভাল কৰা, এলাৰ্জীৰ সমস্যা দূৰ কৰাত এই পানীয় কাৰ্যকৰী বুলি দাবী কৰা হয়।

লাইফষ্টাইল সম্পৰ্কীয় বিভিন্ন মাধ্যমত দাবী কৰা হয়, দৈনিক পুৱা এই পানীয় খালে ৰোগ প্ৰতিৰোধ ক্ষমতা বাঢ়ে।

এণ্টি অক্সিডেণ্টেৰে ভৰপূৰ মৌ এফালে চেনিৰ ভাল বিকল্প। লগতে ইয়াত আছে প্ৰচূৰ পৰিমাণৰ কেলচিয়াম, আইৰন, মেগনেচিয়াম, কপাৰ, মেংগানিজ, পটাছিয়াম আৰু জিংক।

কিন্তু গৰম পানীত মৌ মিহলাই খোৱা সঁচাই ভালনে শৰীৰৰ বাবে? সম্প্ৰতি এই সন্দৰ্ভত এক প্ৰতিবেদন প্ৰকাশ পাইছে সৰ্বভাৰতীয় এক সংবাদ মাধ্যমত।

ইয়াত দাবী কৰা হৈছে যে মৌ কেতিয়াও গৰম কৰি খোৱা উচিত নহয়। গৰম বা অলপ গৰম কোনো পানীয় যেনে চাহ, গাখীৰ বা পানীৰ সৈতে মৌ পান কৰা উচিত নহয়।

উক্ত প্ৰতিবেদনত আয়ুৰ্বেদিক বিশেষজ্ঞ ডক্টৰ ৰেখা ৰাধামণিৰ উদ্ধৃতি দিয়া হৈছে। নিজৰ ইনষ্টাগ্ৰাম প্ৰফাইলত ৰেখাই কৈছে, গৰম অৱস্থাত মৌ খালে শৰীৰৰ অসুস্থতা মাতি আনিব পাৰে। হিতে বিপৰীত হৈ শৰীৰৰ টক্সিচিটি বৃদ্ধি কৰিব পাৰে। দাবী ৰেখা ৰাধামণিৰ।

ইনষ্টাগ্ৰামত ৰাধামণিয়ে লিখিছে, খুব গৰম মৌ আয়ুৰ্বেদত ব্যৱহাৰ কৰা হয় ডিটক্স উপাদান হিচাপে। ডিটক্সিফিকেচন প্ৰক্ৰিয়াৰ সময়ত মৌ শৰীৰৰ ডাইজেষ্টিভ ছিষ্টেমত প্ৰৱেশ নকৰে। দাবী ৰেখামণিৰ।

লগতে ৰেখাই জনাইছে, গৰম অৱস্থাত মৌ পান কৰিলে শৰীৰত টক্সিচিটি বাঢ়িব পাৰে। দীৰ্ঘকালীন সময়ৰ সাপেক্ষে যিটো শৰীৰৰ বাবে মুঠেও ভাল নহয়। দাবী আয়ুৰ্বেদ বিশেষজ্ঞ ৰেখা ৰাধামণিৰ।