Honey Weight Loss Tips : পেটৰ চৰ্বি কমোৱাৰ সহজ উপায়, এই খাদ্যবোৰৰ সৈতে মিহলি কৰি খাওক মৌ!

প্ৰতিদিনে মৌ খালে ওজন হ্ৰাস পায়। এই কথা শুনি হয়তো বহুতেই আচৰিত হ’ব। ক’ব পাৰে, মৌত চেনি থাকে। সেই চেনি খাই কিদৰে ওজন কমিব? হয়, প্ৰক্ৰিয়াজাত চেনি থাকিলেও মৌ স্বাস্থ্যকৰ ভিটামিন আৰু খনিজেৰে ভৰা।

পৰিশোধিত চেনিক ‘কেল’ৰী শূন্য’ বোলা হয়, অৰ্থাৎ ইয়াৰ কোনো পুষ্টিগুণ নাই। কেৱল অত্যধিক চেনি খোৱাৰ ফলত নহয়, ভিটামিন আৰু খনিজৰ অভাৱতো ওজন বাঢ়িব পাৰে। মৌৱে ইয়াৰ ভাৰসাম্য বজাই ৰাখে। মৗ পৰিমিত পৰিমাণে খালে সেয়া পুষ্টিকৰ, ওজন কমোৱাত সহায় কৰে। আমেৰিকান কলেজ অব নিউট্ৰিচনৰ গৱেষণা অননুসৰি, নিশা শোৱাৰ সময়ত মৌ খালে টোপনিৰ কেইঘণ্টামানৰ মাজতে কেলৰী বাৰ্ণ হ’বলৈ আৰম্ভ কৰে।

মৌ আৰু নেমিৰ ৰস : এই মিশ্ৰণ ওজন কমোৱাৰ বাবে আটাইতকৈ উত্তম উপায়। এগিলাছ পানীত এটুকুৰা নেমু আৰু এক চামুচ মৌ মিহলাই পুৱা খালী পেটত খাব লাগে। এই পানীয়ই কেলৰী বাৰ্ণ কৰাৰ লগতে দীৰ্ঘ সময়ৰ বাবে সতেজ কৰি ৰাখে শৰীৰ। মৌ, নেমুৰ পানীয়ে হজম প্ৰক্ৰিয়াও উন্নত কৰে।

মৌ আৰু নহৰু : চৰ্দি–কাহৰ চিকিৎসাৰ লগতে ওজন কমোৱাৰ বাবে বহু বছৰ ধৰি যি প্ৰতিকাৰৰ ব্যৱহাৰ তলিছে তাৰ মাজত এটা হ’ল নহৰু আৰু মৌৰ মিশ্ৰণ। নহৰুৰ উগ্ৰ গোন্ধযুক্ত, সেয়ে বহুতেই কেঁচাই খাব নোৱাৰে। ইয়াৰ সৈতে অলপ মৌ মিহলাই ল’লে ইয়াৰ সোৱাদ সলনি হয়। গৰম পানীৰ সৈতে এই মিশ্ৰণ খালে ওজন কমোৱাৰ লগতে আন স্বাস্থ্য উপকাৰিতাও লাভ কৰিব পাৰি। ৰোগ প্ৰতিৰোধ ক্ষমতা বৃদ্ধিৰ ক্ষেত্ৰতো এয়া অতি কাৰ্যকৰী।

মৌ–ডালচেনিৰ পানী : ওজন কমোৱাৰ বাবে ডালচেনি আৰু মৌ ব্যৱহাৰ ফিটনেছ বজাই ৰখাৰ এক অন্যতম কৌশল। প্ৰতিদিনে গ্ৰীন টিৰ কাপত এচামুচ মৌ আৰু আধা চাহ চামুচ ডালচেনি মিহলাই পান কৰক। ই আপোনাক গোটেই দিনটো সতেজ কৰি ৰাখিব।

গ্ৰীন টি আৰু মৌ : গ্ৰীন টি স্বাস্থ্যৰ বাবে অতি উপকাৰী। কিন্তু সোৱাদ আৰু গোন্ধৰ বাবে বহুতে গ্ৰীন টি খাবলৈ বেয়া পায়। কিন্তু একাপ গ্ৰীন টিত এক চামুচ মৌ মিহলাই ল’লে ইয়াৰ সোৱাদ বেলেগ ধৰণৰ হৈ পৰে।

গাখীৰ আৰু মৌ : গাখীৰ সুষম আহাৰ। এগিলাছ গাখীৰত এচামুচ মৌ মিহলাই খালে ইয়াৰ উপকাৰিতা অধিক বৃদ্ধি হয়। গাখীৰৰ সৈতে মৌ মিহলাই খালে হজম প্ৰক্ৰিয়া ভালে থাকে, দীৰ্ঘসময় পেট ভৰাই ৰাখে, ৰক্তচাপ কমে আৰু পেটৰ চৰ্বি নিঃশেষ কৰে।