Garlic Tea : নহৰুৰ গুণৰ কথা কৈ শেষ কৰিব নোৱাৰি, এবাৰ নহৰু চাহ বনাই খাওক! মধুমেহ, উচ্চ ৰক্তচাপ, হৃদৰোগ, একাধিক সমস্যাত উপকাৰী নহৰু চাহ।

নহৰুৰ চাহ, নামটো শুনি হয়তো আপোনাৰ মূখৰ ৰং সলনি হৈ গৈছে ! হ'বৰে কথা। বহুলোকে নহৰু খাই বেয়া পায় তাৰ গোন্ধৰ কাৰণে। আকৌ বহু নিৰামিষাহাৰী লোক আছে যি নহৰু নেখায়। এনে ক্ষেত্ৰত নহৰুৰ চাহ! বহুতে হয়তো নেজানে যে নহৰুৰ চাহ আদাৰ চহৰ দৰেই আমাৰ শৰীৰৰ বাবে বহুত উপকাৰী এবিধ পনীয় যি বহু মাৰাত্মক ৰোগৰ পৰা আমাৰ শৰীৰটোক বচাই ৰাখিব পাৰে।

মধুমেহ (Diabetice), উচ্চৰক্তচাপ (High blood pressure)ৰ দৰে ৰোগৰ বাবে নহৰু বহুত উপকাৰী। ইয়াৰ পৰা চাহ ঘৰতে খুব সহজে তৈয়াৰ কৰিব পাৰি। এই চাহৰ লগত আৱশ্যক অনুযায়ী মৌ আৰু নেমুৰ ৰসো মিহলাব পাৰে। আদাৰ ৰস আৰু ডালচিনী মিহলাই খাব পৰিলে নহৰুৰ চাহৰ আৰু অধিক গুণা-গুণ বৃদ্ধি হয়।

বহুলোকে পানী লগা হ'লে নহৰুৰ চাহ এণ্টী-বেক্টেৰিয়েল আৰু এণ্টী ভাইৰেল গুণ (Anti-Bacterial and Aanti-Viral Pproperties)ৰ বাবে সেৱন কৰে। ইমিউনিটি (Immunity আৰু মেটাবলিজম (Metabolism)ৰ মাত্ৰা আৰু সুস্বাস্থ্যৰ বাবে নহৰুৰ চাহ এবিধ তুলনাবিহীন ঔষধ। এই চাহ হৃদ ৰোগৰ বাবেও বৰ উপকাৰী বুলি প্ৰমাণ হৈছে।।

ভিটামিন চি (Vitamin-C)ৰে ভৰপূৰ নহৰুৰ চাহে শৰীৰত জমা হোৱা কলেষ্টেৰল (Cholesterol)ৰ স্তৰ নিয়ন্ত্ৰণ কৰাত সহায় কৰে।

ঘৰতে নিজেই নহৰুৰ চাহ তৈয়াৰ কৰিবলৈ খুবেই সহজ। এটা পাত্ৰত পানী গৰম কৰক আৰু তাত প্ৰথমে চাহপাত দিয়ক, তাতে সৰু সৰুকৈ কাটি লোৱা বা খুন্দি লোৱা আদা,নহৰু আৰু ডালচেনি দি ৭মিনিট সময় উতলাওক। এতিয়া চেকনিৰে চেকি গৰমে গৰমে সেৱন কৰক।