Healthy food habit in children : খোৱা-বোৱাক লৈ কণমানি কেঁচুৱাটোৰ কিমান যে আপত্তি! মাকৰো হয় হাৰাশাস্তি, কিন্তু সমাধানো আছে আপোনাৰ হাততেই...

শিশুক খুওৱাটো (feeding children) বেছিভাগ মাতৃৰ বাবে এক যুদ্ধসদৃশ কাৰবাৰ। শিশুসকলে সকলো খাদ্য খাব নিবিচাৰে। প্ৰায়েই শিশুৰ মাজত পাচলি আৰু ফল খাবলৈ তীব্ৰ অনীহা থাকে। সেয়ে ঘৰত সৰুৰে পৰা অলপ অলপকৈ অভ্যাস (eating practice) কৰোৱা উচিত। তেতিয়া শিশুৰ সুষম আহাৰ (balanced and healthy food habit) খোৱাৰ অভ্যাস আৰম্ভণিৰ পৰাই সৃষ্টি হ'ব।

শিশুটিক সৰুৰ পৰাই খাদ্য চোবাই খাবলৈ অভ্যাস কৰাব। তেতিয়া খাদ্য খুব ভালদৰে হজম হ'ব। লগতে চোবাই খালে আপোনাৰ সন্তানে শৰীৰত যিমান প্ৰয়োজন সিমানেই খাব।

গুৰু খাদ্যৰ মাজত আহাৰত জলপান গুৰুত্বপূৰ্ণ। কেঁচুৱাটোক আৰম্ভণিৰে পৰা স্বাস্থ্যকৰ লঘু আহাৰ খাবলৈ উৎসাহিত কৰক। সহজতে আৰু সোনকালে হয় বুলিয়েই বা ভালদৰে খায় বুলিয়েই শিশুক ফাষ্ট ফুড নিদিব। তেনে কৰিলে শিশুটো ফাষ্ট ফুডৰ প্ৰতি আসক্ত হৈ পৰিব।

আপোনাৰ সন্তানক পাৰিলে বজাৰলৈ লৈ যাওক। সিহঁতৰ সৈতে বজাৰ কৰক। প্ৰয়োজন হ'লে সিহঁতে ভালপোৱা বস্তুবোৰ বাছনি কৰিবলৈ কওক। তাৰ পিছত ঘৰলৈ অহাৰ পিছত বস্তুবোৰ নিজে লৈ খাবলৈ দিয়ক। খাদ্যৰ পেকেটত কি লিখা আছে পঢ়ক আৰু বুজাওক। তেতিয়া সিহঁতৰ ধাৰণাটো সৰুৰে পৰা স্পষ্ট হ'ব।

বেছিভাগ শিশুৱে ফল বা পাচলি খাব নিবিচাৰে৷ তেওঁলোকে এই খাদ্যবোৰ একঘেয়ামী বুলি ভাবে ৷ কেৱল আমিষ খাদ্যই শৰীৰৰ ক্ষতি কৰে ৷ সেয়েহে শিশুৰ বাবে ফল আৰু পাচলি সুস্বাদু কৰি তোলক ৷ পুষ্টিগত মান বজাই ৰাখি সিহঁতৰ বাবে ৰেচিপি প্ৰস্তুত কৰক৷

কেৱল খালেই হয় জানোঁ! প্ৰতিটো আহাৰ চাই-চিতি, অনুভৱ কৰি খাব লাগিব শিশুৱে। কেঁচুৱাটোক খাদ্যৰ ভাল গোন্ধ ল'বলৈ দিয়ক। তাৰ পিছত অলপ অলপকৈ খাদ্য খোৱাটো অভ্যাস কৰাওক।

শিশুটিক নিজে খাবলৈ দিলে দৰকাৰী খাদ্যখিনি খাব নোৱাৰিবও পাৰে। সেয়ে অলপ অলপ কৈ লৈ বাৰে বাৰে খুৱাওক। ডাঙৰ হ'লে কেঁচুৱাটোক নিজে খাবলৈ শিকাওক।