পানী অবিহনে জীৱন কল্পনা কৰিব নোৱাৰি। পানী অবিহনে জীৱন কল্পনা কৰিব নোৱাৰে কোনেও। সেইবাবেই বিশেষজ্ঞসকলে প্ৰতিদিনে ৫–৬ গিলাছ পানী খোৱাৰ পৰামৰ্শ দিয়ে। কিন্তু পানী খোৱাৰ সঠিক সময় আৰু সঠিক নিয়ম মানি চলাটো স্বাস্থ্যৰ পক্ষে খুবেই প্ৰয়োজনীয়। আপুনি জানেনে পানী খোৱাৰ সঠিক উপায় কি? ডাঙৰে কোৱা নিশ্চয় শুনিছে যে থিয় হৈ পানী খাব নালাগে। বিজ্ঞানসন্মতভাৱেও ই একেবাৰে সঠিক। কাৰণ ই আপোনাৰ শৰীৰত বেয়া প্ৰভাৱ পেলাব পাৰে। পানী খোৱাৰ সময়ত আপুনি আৰু কি কি ভুল কৰিছে সেয়া এই প্ৰতিবেদনত মিলাই চাওক। সাধাৰণ পানী সেৱন কৰক। যিকোনো ঋতুতে খুব বেছি ঠাণ্ডা বা গৰম পানী নাখাব, কাৰণ ই আপোনাৰ শৰীৰৰ ক্ষতি কৰিব পাৰে। সাধাৰণ গৰম পানী পান কৰিব পাৰে। ই আপোনাৰ স্বাস্থ্যৰ বাবে ভাল আৰু উপকাৰী। থিয় হৈ পানী নাখাব। কাৰণ থিয় হৈ পানী খালে হাঁড়ৰ জইণ্টবোৰত পানী জমা হোৱাৰ সম্ভাৱনা থাকে, যাৰ বাবে আৰ্থ্ৰাইটিছ হোৱাৰ আশংকা থাকে। এনে অৱস্থাত থিয় হৈ পানী খোৱা অভ্যাস এৰাই চলক। সতৰ্ক হওক, সলনি কৰক অভ্যাস। একে ঢোকে পানী নাখাব। ই আপোনাৰ স্বাস্থ্যৰ বাবে ক্ষতিকাৰক হ’ব পাৰে। মাজে মাজে পানী খোৱাৰ অভ্যাস ভাল। কিন্তু খোৱাৰ লগে লগে পানী খোৱা উচিত নহয়। ইয়াৰ ফলত পেটৰ সমস্যা হ’ব পাৰে। শোৱাৰ আগত পানী খাওক। ইয়াৰ ফলত আপোনাৰ মেটাবলিজম ঠিকে থাকে আৰু টয়লেটৰ জৰিয়তে শৰীৰৰ বৰ্জিত পদাৰ্থ আৰু টক্সিন বাহিৰ হয়। Disclaimer: ইয়াত লিখিত তথ্য ঘৰুৱা প্ৰতিকাৰ আৰু সাধাৰণ তথ্যৰ ওপৰত ভিত্তি কৰি দিয়া হৈছে। ইয়াক গ্ৰহণ কৰাৰ পূৰ্বে চিকিৎসকৰ পৰামৰ্শ লওক। News18 অসমে এয়া নিশ্চিত নকৰে।
